Thane Shocking : ठाण्यातून एक धक्कादायक प्रकार उघडकीस आला आहे. एका किरकोळ कारणावरुन एका तरुणीला मारण्याचा प्रयत्न झाल्याची घटना समोर आली आहे. सदर प्रकार मोबाईलमध्ये कैद झाल्यानंतर पोलिसांनी संबंधित रिक्षा चालकावर कारवाई केली आहे. ठाण्यातील या प्रकारामुळे नागरिकांनी संताप व्यक्त केला आहे.

ठाण्यात रिक्षाचालकांची मुजोरी नवीन नाहीये. रिक्षाच्या भाड्यावरुन, तर कधी पैशांवरुन रिक्षाचालक प्रवाशांशी वाद घालत असल्याचे पाहायला मिळत आहे. अशीच एक घटना समोर आली आहे. शुल्लक कारणावरुन रिक्षाचालकाने तरुणीला मारण्याचा प्रयत्न केला. रिक्षामध्ये तिच्याशी बाचाबाची करत वाद घातला. या घटनेचा व्हिडीओ सध्या सोशल मीडियावर व्हायर होत आहे.

मिळालेल्या माहितीनुसार, डोबिंवली येथे राहत असलेली श्रुती डोळस आणि मुलुंड येथे राहणारी रुची चव्हाण या दोघी नेहमीप्रमाणे ठाणे रेल्वे स्थानकावरुन रिक्षाने तीन हात नाका येथे जात होत्या. रिक्षाने जात असताना रिक्षा चालकाने त्यांच्याशी हुज्जत घातली. याशिवाय तरुणीला मारण्याचा प्रयत्न देखील केला. तरुणींनी रिक्षाचालकाचा व्हिडीओ काढला.

रिक्षाचालकाने तरुणीशी मारहाण करण्याचा प्रयत्न केल्याची धक्कादायक घटना ठाण्यात घडली आहे. शहरातील महिलांच्या सुरक्षेबाबत चिंचा वाढत असताना हा प्रकार समोर आला आहे. काही दिवसांपूर्वी, एका १३ वर्षीय अल्पवयीन तरुणीची हत्या करण्यात आली. या प्रकरणात संशयित व्यक्ती हा ४० वर्षीय रिक्षाचालक होता. या दोन्ही घटनांमुळे नागरिकांमध्ये संतापाची लाट उसळली आहे.