शनिवारी सकाळीच मुंबईकरांना लोकल खोळंबल्यामुळे त्रासाचा सामना करावा लागलाय. ट्रान्स हार्बर लाईनवर लोकलमध्ये बिघाड झाल्यामुळे प्रवाशांना त्रासाचा सामना करावा लागत आहे. लोकल एकामागे एक थांबल्या आहेत. त्यामुळे प्रवाशी रूळावरून उतरून निघाले आहेत. कामावर वेळेत जाण्यासाठी निघालेल्या चाकारमान्यांना अडचणींचा सामना करावा लागत आहे. रिक्षा बसचे अतिरिक्त भाडे, त्यात लोकल बंद यामुळे प्रवाशांना मोठा मनस्ताप सहन करावा लागत आहे.

मिळालेल्या माहितीनुसार, नेरूळ स्थानकांमध्ये लोकलमध्ये तांत्रिक बिघाड झाला. सकाळीच लोकल खोळंबल्यामुळे कामावर जाणाऱ्या चाकरमान्यांना नाहक त्रास सहन करावा लागत आहे. २० ते २५ मिनिटांपासून लोकलचा खोळंबा उडाला. त्यामुळे वैतागलेल्या प्रवाशांनी लोकलमधून उतरून जाण्याचा निर्णय घेतला. रेल्वे रूळावरून वाट काढत लोक निघाल्याचे व्हिडीओ समोर आले आहेत.

शनिवारी सकाळी सकाळीच ट्रान्स हार्बर लाईनवर मोठा तांत्रिक बिघाड झाला आहे. नेरुळ रेल्वे स्थानकाजवळच तांत्रिक बिघाड झाल्याची माहिती मिळत आहे. त्यामुळेच पनवेलवरून ठाण्याला जाणारी लोकल ठप्प झाली आहे. नेरुळ येथे तांत्रिक बिघाड झाल्याने लोकलसेवा बंद पडली आहे. त्यामुळे प्रवासी रेल्वे रुळावरून वाट काढत कामाला निघाले आहेत. कामावर वेळेवर पोहचण्यासाठी रेल्वे रूळावरून मार्ग काढत जाण्याचा निर्णय प्रवाशांनी घेतला आहे. रेल्वेची सेवा अद्याप सुरू झालेली नाही. रेल्वेकडून तांत्रिक अडचणी दूर कऱण्यासाठी प्रयत्न केले जात आहेत.