Supriya Sule Bhaubij Celebration:

राष्ट्रवादी गटाचा वाद विसरून खासदार सुप्रिया सुळे यांनी उपमुख्यमंत्री अजित पवार यांचं भाऊबीजनिमित्त औक्षण केलं. सुप्रिया सुळे आणि त्यांच्या सर्व बहिणींनी उपमुख्यमंत्री अजित पवार यांचं औक्षण केलं. सुप्रिया सुळे यांनी अजित पवारांच्या काटेवाडीत हे औक्षण केलं. सुप्रिया सुळे आणि अजित पवार यांच्या भाऊबीजेच्या कार्यक्रमाने सर्वांचं लक्ष वेधून घेतलं. (Latest Marathi News)

पवार कुटुंबीयांच्या यंदाच्या दिवाळीकडे साऱ्यांचं लक्ष लागलं होतं. पक्षात फूट पडल्यानंतर पवार कुटुंबीयांची पहिली दिवाळी आणि भाऊबीज झाली. मोठ्या आनंदाने पवार कुटुंबीय दिवाळीनिमित्त एकत्र आल्याचं दिसून आलं. राजकीय मतभेद बाजूला ठेवत पवार कुटुंबीयांनी आज बुधवारी काटेवाडीमध्ये भाऊबीज साजरी केली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

उपमुख्यमंत्री अजित पवार यांच्या काटेवाडी गावात पवार कुटुंबीयांचा भाऊबीज कार्यक्रम उत्साहात पार पडल्याचे दिसले. यावेळी उपमुख्यमंत्री अजित पवार यांना खासदार सुप्रिया सुळे आणि सर्व बहिणींनी औक्षण केले. अजित पवार यांच्या पाठोपाठ यांचे बंधू श्रीनिवास पवार, उद्योजक रणजीत पवार , जयंत पवार यांना सर्व बहिणींनी औक्षण केले.

राजकीय मतभेद, दिवाळीची परंपरा कायम

दरवर्षी पवार कुटुंबीय दिवाळीनिमित्त बारामतीत एकत्र येतात. यावर्षीही पवार कुटुंबीय एकत्र आलं. पक्ष फुटीनंतरही सुप्रिया सुळे आणि अजित पवार यांनी भाऊबीज केली. राष्ट्रवादीच्या फुटीनंतर पवार कुटुंबाची पहिल्यांदा दिवाळी साजरी केली. दिवाळी पाडव्यालाही पवार कुटुंब एकत्र आलं.सुप्रिया सुळे यांनी पाडव्याला रात्री उशीरा एकत्रित कुटुंबाचा फोटो शेअर केला.

पक्ष आणि चिन्हाचा वाद पोहोचला निवडणूक आयोगात

शरद पवार यांनी स्थापन केलेल्या राष्ट्रवादीवर अजित पवार गटाने दावा केला आहे. त्यामुळे दोन्ही गटाचा वाद केंद्रीय निवडणूक आयोगात पोहोचला आहे.