दिलीप कांबळे

मावळ : मावळ Maval मध्ये पाच दिवसापासून होत असलेल्या अतिवृष्टीमुळे तुंग मध्ये भूस्खलन झाले आहे. तुंग Tung किल्ल्याच्या पायथ्याच्या तुंग गावालगत सुमारे तीनशे मीटर लांब भूस्खलन झाल्यामुळे घरावर दरड कोसळून घर जमीनदोस्त झाले आहे.

तुंग गावचे रहिवाशी सीताराम पठारे यांचे घर व‌ किराणा दुकान जवळच शंभर मीटर अंतरावर आहे. सकाळी घरातील सर्व माणसे भात लावणी साठी शेतात गेली होती. पाठारे हे एकटेच दुकानात होते पाऊस जास्त असल्याने दुकानात ग्राहक नसल्याने सकाळी अकरा वाजता ते गावात फेरफटका मारायला गेले. काही मिटर अंतरावर गेले असता मागे जोरदार आवाज झाला परत येऊन पाहतात तर राहते घर व दुकान पुरे जमिनदोस्त झाले.

त्यांच्या घरावर दरड कोसळून होत्याचे नव्हते झाले. अन त्यांना आश्रू आनावर झाले. घटनेची माहिती मिळताच ग्रामस्थांनी घटनास्थळी धाव घेतली परंतु परिस्थिती अशी होती की तिथे काहीच बाहेर काढू शकत नाही. त्यात सुरू असलेल्या मुसळधार पावसामुळे धीर देण्यापलीकडे काहीच उपयोग झाला नाही.

Edited By-Sanika Gade