पुण्यातील शास्त्रीनगरमध्ये एका तरूणाचा लघुशंका आणि अश्लील चाळे करत असतानाचा व्हिडिओ व्हायरल झाला होता. त्यानंतर परिसरात संतपाची लाट उसळली आहे. या तरूणाची ओळख पटली असून, त्याचे वडिल हॉटेल व्यवसायिक आहेत. गौरव मनोज अहुजा असे तरूणाचे नाव असून, त्याच्या वडिलांचे नाव मनोज रमेश अहुजा आहे. या प्रकरणाबाबत तरूणाच्या वडिलांनी संतप्त प्रतिक्रिया दिली आहे.

'तो माझा मुलगा आहे, याची मला लाज वाटते. व्हिडिओमध्ये जी गाडी दिसत आहे ती माझ्या नावावर आहे. माझ्या मुलानं सिग्नलवर लघु शंका केली नाही तर, माझ्या तोंडावर केली आहे', अशा शब्दात त्यांनी संतप्त प्रतिक्रिया दिली आहे.

तरूणाच्या वडिलांची संतप्त प्रतिक्रिया

'तो माझा मुलगा आहे, याची मला लाज वाटते. या घटनेनंतर मला पोलिसांनी शास्त्रीनगर पोलीस ठाण्यात चौकशीसाठी बोलावून घेतले आहे. व्हिडिओमध्ये जी गाडी दिसत आहे, ती माझ्या नावावर आहे. माझ्या मुलाचे नाव गौरव मनोज अहुजा तर, माझे नाव मनोज अहुजा आहे. माझ्यावर जी काही कारवाई होईल, ती मला मान्य आहे', असं तरूणाच्या वडिलांनी म्हटलं आहे.

तरूणाचा फोन सकाळपासून बंद आहे. त्याचे पालक देखील तरूणाचा शोध घेत असल्याचं त्याच्या वडिलांनी सांगितलं. घडलेल्या घटनेबद्दल तरूणाच्या वडिलांनी पोलिसांसमोर खंत देखील व्यक्त केली आहे.

पोलीस काय म्हणाले?

येरवडा येथील घटनेच्या संबधित तरुणावर गुन्हा दाखल करण्याचे काम सुरु आहे. ⁠अश्लील वर्तन करणे, सार्वजनिक वाहतूकीस अडथळा निर्माण करणे, या कलमांखाली गुन्हा दाखल करण्यात आला आहे. ⁠येरवडा पोलीस ठाण्यात गुन्हा दाखल करण्यात येणार आहे. ⁠

संबंधित तरुणाला शेधण्यासाठी पोलीस पथके रवाना झाली आहेत. ⁠संबंधित तरुणाला ताब्यात घेतल्यानंतर त्याची वैद्यकीय तपासणी करण्यात येईल. त्यानंतर त्याने मद्यपान केले होते की नाही हे स्पष्ट होईल, असे पोलीस उपायुक्त हिम्मत जाधव यांनी सांगितले.