ठाणे : ठाणे जिल्ह्यातील अंबरनाथ येथील शिवसेनेचे आमदार डॉक्टर बालाजी किणीकर (Shivsena MLA Dr. Balaji Kinikar) यांना ईडीकडून समन्स मिळाल्याची कॉपी सोशल मीडियावर वायरल होत असून, दोन फेब्रुवारीला ED कार्यालयात चौकशीसाठी हजर राहण्याचं या कॉपी मधून सांगण्यात येत आहे.

मात्र मला ईडीकडून कोणतीही नोटीस आली नसल्याचं आमदार बालाजी किणीकर यांनी स्पष्ट केले आहे, दोन महिन्यांपूर्वी किणीकर यांना फोन आला होता, त्यात त्यांना ईडी समन्सबाबत सेटलमेंट करण्याबाबत बोलण्यात आले होतं. या संदर्भात पक्षातील वरिष्ठांना माहिती दिल्याचे सुध्दा किणीकर म्हणाले, हा खोडसाळपणा करणाऱ्याचा तपास केला जात असल्याचे यावेळी किणीकर यांनी सांगितलं आहे.

Edited By - Jagdish Patil