Murbad Politics :  Saam tv
मुंबई/पुणे

Murbad Politics : मविआतील अंतर्गत बंडाळीनं भाजपच्या कथोरेंचा मार्ग सुकर; शरद पवार गटानंतर ठाकरे गटाचाही विरोध

Murbad Assembly constituency News : महाविकास आघाडीतील अंतर्गत बंडाळीने भाजपच्या कथोरेंचा मार्ग सुकर झाल्याची राजकीय वर्तुळात चर्चा आहे.

Vishal Gangurde

मयुरेश कडव, साम टीव्ही

बदलापूर : विधानसभा निवडणुकीमुळे राजकीय घडामोडींना वेग आला आहे. विधानसभा निवडणुकीत बंडखोरीसहित काही मतदारसंघात नाराजीनाट्य देखील पाहायला मिळत आहे. मुरबाड विधानसभा मतदारसंघातही महाविकास आघाडीत नाराजीनाट्य पाहायला मिळत आहे. मुरबाडमध्ये ठाकरे गटाने थेट शरद पवार गटाचे उमेदवार सुभाष पवार यांच्या विरोधात आक्रमक भूमिका घेतली आहे.

मुरबाड मतदारसंघा शिवसेना ठाकरे गटाने अतिशय आक्रमक भूमिका घेतली आहे. शरद पवार गटाचे बदलापूर मुरबाड मतदारसंघात सुभाष पवार हे उमेदवार आहेत. मात्र सुभाष पवार हे बदलापूर शहरातील शिवसेना ठाकरे गटातील पदाधिकारी आणि कार्यकर्त्यांना विश्वासात घेत नसल्यांचा आरोप त्यांच्यावर करण्यात आला आहे.

ठाकरे गट नाराज

तसेच शहरात दीपावलीच्या शुभेच्छांसाठी लावण्यात आलेल्या बॅनरवर बाळासाहेब ठाकरे,आनंद दिघे यांचे अतिशय लहान फोटो लावण्यात आल्याचा आरोप त्यांच्यावर करण्यात आला आहे. तसेच बॅनरवरील पक्षप्रमुख उद्धव ठाकरे यांचा फोटोबद्दल ठाकरे गटाने नाराजी व्यक्त केली आहे. त्यामुळे राष्ट्रवादी काँग्रेसच्या शरद पवार गटाचे उमेदवार सुभाष पवार यांचा आता प्रचार करायचा की नाही, हा निर्णय घेऊ, अशी भूमिका ठाकरे गटाने घेतली आहे. ठाकरे गटाच्या या भूमिकेमुळे बदलापूर मुरबाड मतदारसंघात सुभाष पवार यांच्या अडचणी वाढणार असल्याची चर्चा सुरु झाली आहे.

वामन म्हात्रे काय भूमिका घेणार?

दरम्यान, किसन कथोरे यांनी विजयासोबत मताधिक्यावर लक्ष केंद्रीत केलं आहे. एकीकडे शरद पवार गटाचे माजी शहर प्रमुख शैलेश वडनेरे यांनी सुभाष पवार यांच्याविरोधात बंडांचं निशान फडकवलं आहे. दुसरीकडे ठाकरे गट देखील नाराज असल्याचं समोर आलं आहे. त्याचा थेट फायदा किसन कथोरेंना होईल. असे असले तरी शिंद गटाचे शहर प्रमुख वामन म्हात्रे यांनी मात्र अजूनही किसन कथोरेंना साथ दिलेले नाही. त्यामुळे किसन कथोरेंना वामन म्हात्रेंचं आव्हान कायम असणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

'मराठीचाच अजेंडा'; कोणताच झेंडा नाही, ठाकरे बंधूंच्या विजयी मेळाव्याची निमंत्रण पत्रिका चर्चेत

रशियाच्या हल्ल्याने युक्रेन हादरलं, ट्रम्पसोबत चर्चेनंतर रशियाचा हल्ला; युक्रेनची राजधानी रशियाकडून उध्वस्त?

IND vs ENG Test 2 Day 3: All Out! सिराजच्या भेदक माऱ्यापुढे इंग्लंडची टीम ढेपाळली; भारताकडे 180 धावांची आघाडी

Sushil Kedia : आमच्यासारखा जर खरंच पेटून उठला तर...व्यावसायिक सुशील केडिया यांनी राज ठाकरेंना डिवचलं

ठाकरेंच्या मेळाव्याला काँग्रेस-राष्ट्रवादीची दांडी? ठाकरेंच्या मेळाव्यात मविआचा सहभाग? मराठीवरून मविआत फूट?

SCROLL FOR NEXT