सूरज सावंत

shinde Government news : राज्यातील 'अ' आणि 'ब' महानगरपालिका वगळता 'क' आणि 'ड' महानगरपालिका तसेच सर्व नगरपरिषद/नगरपंचायती क्षेत्रातील कोविड विरोधी मोहिमेत कर्तव्य पाडताना कोरोनाने (Corona) लागण होऊन मृत्युमुखी पडलेल्या अधिकारी/कर्मचाऱ्यांना ५० लाख रुपयांचे सानुग्रह सहाय्य /लवमा कवच लागू करण्यात आला होता.

सदर निर्णयाला ४ ऑगस्ट २०२१ रोजी राज्य शासनाने मान्यता दिली होती. या निर्णयात राज्य मंत्रिमंडळाने बदल करत स्थानिक स्वराज्य संस्थामधील अधिकारी/कर्मचाऱ्यांचा सामावेश करण्यात आला आहे. या निर्णयाला राज्य मंत्रिमंडळाने मान्यता दिली. त्यामुळे स्थानिक स्वराज्य संस्थामधील अधिकारी/कर्मचाऱ्यांना मोठा दिलासा मिळाला आहे .

स्थानिक स्वराज संस्थामधील सफाई कर्मचारी, कंत्राटी कर्मचारी , मानधन तत्वावरील कर्मचारी आणि बाह्यस्त्रोत कर्मचाऱ्यांना सदर निर्णयातील कर्मचाऱ्यांमध्ये सामावेश करण्यात आला आहे.

या योजना राज्यातील 'अ' आणि 'ब' महानगरपालिका वगळता 'क' आणि 'ड' महानगरपालिका तसेच सर्व नगरपरिषद / नगरपंचायती यांना लागू करण्यासाठी वित्त विभागाने तरतूद उपलब्ध केली आहे. वित्त विभागाकडून ३९.५० कोटी हे २०२२-२०२३ या आर्थिक वर्षाकरिता नगरपरिषद प्रशासन संचालनालय यांच्याकडे वितरीत करण्यात आले आहे.