पुणे: भाजपचे प्रदेशाध्यक्ष आणि कोथरुडचे आमदार चंद्रकांत पाटील यांनी आज पुणे महानगर पालिकेच्या आयुक्तांची भेट घेतली. शहरातील विविध प्रश्नांवर त्यांनी आयुक्तांशी चर्चा केली. यावेळी त्यांनी पत्रकार परिषद घेवून नवाब मलिक (Nawab Malik) आणि काँग्रेसवरती टीका केली आहे. काँग्रेसकडे टीका करण्यासाठी विषय नाहीत म्हणून अर्थहीन चर्चा करतात. आमचा येणाऱ्या महापालिकेत मुद्दा हाच आहे ५० वर्ष विरुद्ध ५ वर्ष. आम्ही काय केलं सांगू तुम्ही काय केलं ते सांगा असं चंद्रकांत पाटील म्हणाले आहेत. चंद्रकांत पाटलांनी (Chandrakant Patil) यावेळी अतिशय धक्कादायक वक्तव्य केले आहे. ते म्हणाले की पवार साहेबांचा नेहमीच प्रयत्न राहिलाय की समाजात जातीवाद निर्माण करायचा.

आज सकाळी ईडीने राष्ट्रवादीचे प्रवक्ते आणि मंत्री नवाब मलिक यांना चौकशीसाठी नेले. त्यानंतर राष्ट्रवादीचे कार्यकर्ते आक्रमक झाले आहेत. कसलीही नोटीस नसताना ईडीने (ED) त्यांना नेलं कसाकाय असा प्रश्न कार्यकर्ते विचारत आहेत. त्यावर चंद्रकांत पाटील म्हणाले की ईडी सूडबुद्धीने कारवाई करते हे विरोधकांनी म्हणायच नसतं.

एखादी चौकशी सुरू आहे यावर बोलणं योग्य नाही, अशा केसमध्ये न्यायालयाचा दरवाजा ठोठावला पाहिजे, एकही केस न्यायालयात जिंकू शकले नाहीत, का जात नाहीय न्यायालयात असा प्रश्नही चंद्रकांत पाटलांनी विचारला. जे लोक गलिच्छ बोलतात त्यांना परवानगी आणि मी तर सुसंस्कृत बोलतो. निवडणूका म्हटलं की अंदाज असतोच. भुजबळ दोन वर्षे जेलमध्ये होते त्यांना कोणी भेटायलाही जात नव्हते. देशमुख म्हटले तोंड उघडले जाईल ते कळेल लवकरच असेही पाटील म्हणले.

Edited By: Pravin Dhamale