भरत मोहोळकर, साम टीव्ही

मुंबई : बॉलिवूड अभिनेता सैफ अली खानच्या थेट घरात घुसून चाकू हल्ला करण्यात आल्याची धक्कादायक घटना घडली.. त्यामुळे अख्खं बॉलिवूड हादरलंय..मात्र सैफवरील हल्ल्याआधी 14 जानेवारीला किंग खान शाहरुखच्याही मन्नत बंगल्यात घुसखोरीचा प्रयत्न झाल्याची माहिती सुत्रांनी दिलीय.. त्यामुळे एकच खळबळ उडालीय... शाहरुख खानच्या घराची रेकी कशी करण्यात आली याची माहिती समोर आलीय.

शाहरूखच्या मन्नतमध्येही घुसखोरी?

14 जानेवारी

एका व्यक्तीने शाहरुख खानच्या घरात घुसण्याचा प्रयत्न केला

रिट्रीट हाऊसजवळ सीडी लावून मन्नतची रेकी

बंगल्याला सुरक्षा जाळी असल्याने घुसखोरीत अपयश

त्यामुळे आरोपीना वेळीच काढला पळ

काही दिवसांपासून आरोपी रेकी करत असल्याची सुत्रांची माहिती

पोलीसांनी सैफ अली खानवर हल्ल्याप्रकरणी संशयित आरोपीला अटक केलीय.. तर दुसरीकडे पोलीसांनी मन्नतची पाहणी करून सीसीटीव्ही तपासले आहेत.. त्यामुळे दोन्ही ठिकाणी एकच आरोपी होता की वेगवेगळे? याचा शोध घेण्याबरोबरच दोन्ही आरोपींमध्ये काही कनेक्शन आहे का? याचाही तपास पोलीसांकडून सुरु आहे... मात्र आधी सलमान खानला धमकी, माजी मंत्री बाबा सिद्दीकी यांची हत्या एवढंच नाही तर सैफ अली खानवरही घरात घुसून हल्ला करण्यात आला आणि आता किंग खान शाहरुखच्या घराची रेकी यामुळे सेलिब्रेटींमध्ये भीतीचं वातावरण आहे.

दरम्यान, सलमान खानला देण्यात येणाऱ्या धमक्या आणि बाबा सिद्दीकींची हत्या ही बिश्नोई गँगने केल्याचं समोर आलं.. मात्र सैफवरील हल्ला असो वा शाहरुख खानच्या घराची रेकी ही हल्ला करण्याच्या उद्देशाने करण्यात आली की चोरीच्या उद्देशाने आरोपीला अटक केल्यानंतरच स्पष्ट होणार आहे.