सिद्धेश म्हात्रे, साम टीव्ही

सातवी पास एका भामट्यानं चक्क २१ जणांना २७ लाख रूपयांना गंडा घातला आहे. या भामट्यानं बोल्टकॅब मॅनेजमेंट प्रायव्हेट लिमिटेड नावाची कंपनीची स्थापना केली. दर महिन्याला ९ टक्के परताव्याचे आमिष दाखवून तो लोकांना लुबाडत होता. यात अनेक जणांची फसवणूक झाल्याची माहिती समोर आली आहे. पोलिसांनी डमी गुंतवणूकदार पाठवून आरोपीच्या मुसक्या आवळल्या आहेत.

नवी मुंबईच्या वाशी येथे एक धक्कादायक घटना धडली आहे. एका सातवी पास व्यक्तीनं अधिक नफ्याचे आमिष दाखवत २७ लाख रूपये उकळले आहेत. भोलाकुमार असं आरोपीचे नाव आहे. त्याने वाशी येथे बोल्टकॅब मॅनेजमेंट प्रायव्हेट लिमिटेड कंपनी सुरू केली. कंपनी सुरू करून त्याने लोकांना अधिक नफ्याचे आमिष दाखवले.

दर महिन्याला ९ टक्के परताव्याचे आमिष दाखवून त्याने अनेक लोकांना लुबाडले. तब्बल २१ जणांना त्याने २७ लाख रूपयांना लुबाडले आहे. नागरीकांची फसवणूक केल्यानंतर भोलाकुमार पैसे घेऊन फरार होण्याच्या तयारीत करत होता. तो पैसे घेऊन बँकॉकला जात होता.

मात्र, यापूर्वीच पोलिसांनी आरोपी भोलाकुमारच्या मुसक्या आवळल्या आहेत. याप्रकरणी पोलीसांनी एक डमी गुंतवणूकदार भोलाकुमारच्या कंपनीत पाठवले. नंतर त्याने अनेक लोकांना आमिष दाखवत लोकांना गंडवलं असल्याचं समोर आलं. पोलिसांना माहिती मिळाल्यानंतर तातडीने आरोपीविरोधात गुन्हा दाखल केला. तसेच त्याला अटकही करण्यात आली आहे. याप्रकरणी गुन्हे शाखा कक्ष एक अधिक तपास करत आहेत.