मुंबई ईडीचे सहसंचालक सत्यब्रत कुमार यांची बदली करण्यात आली आहे. देशाची आर्थिक राजधानी असलेल्या मुंबई अंमलबजावणी संचालनालयासाठी ही बातमी अत्यंत महत्त्वाची मानली जात आहे. देशात अनेक हायप्रोफाईल प्रकरणे आहेत ज्यांची मुंबई युनिट चौकशी करत आहे, या युनिटचे संयुक्त संचालक सत्यब्रत कुमार यांची बदली करण्यात आली आहे. सत्यब्रत कुमार 7 वर्षांहून अधिक काळ मुंबई ईडीमध्ये कार्यरत होते.

सूत्रांनी सांगितले की डिसेंबर 7 मध्येच त्यांची 7 वर्षे संपली होती, त्यांनी त्यांच्या मुदतवाढीसाठी विनंती केली होती. मात्र त्यांना मुदत वाढ देण्यात आलेली नाही. अंमलबजावणी संचालनालयाच्या आदेशानुसार, त्यांच्याकडे असलेले सर्व खटले काढून घेण्यात आले आहे. आता फक्त कोळसा घोटाळ्याशी संबधित प्रकरण त्यांच्याकडे ठेवण्यात आलेली आहेत. आता त्याच्या जागी कोण येणार हे पाहावं लागेल.

दरम्यान महाराष्ट्रमध्ये ईडी सध्या खूपच चर्चेत आहे. अनेक दिग्गज नेत्यांना ईडीच्यी नोटीसा पाठवण्यात येत आहेत. त्यामुळे नेते ईडी केंद्र सरकारच्या हातातलं बाहूलं बनले आहे अशी टीका केली जात आहे. कालच परिवहन मंत्री अनिल परब यांची ईडीने आठ तास चौकशी केली आहे. यापुर्वी अनील देशमुख, राज ठाकरे, भावना गवळी या नेत्यांना ईडीने समन्स बजावले होते.

Edited By: Pravin Dhamale