रश्मी पुराणिक -

मुंबई : काँग्रेस प्रदेशाध्य़क्ष नाना पटोले यांचे वकील सतीश उके आणि प्रदीप उके यांना अटक केली असून ईडीने मनी लॉन्ड्रिंगच्या प्रकरणात त्यांना मुंबईतील पीएमएलए कोर्टात हजर करण्यात आले होते. त्यांनंतर कोर्टाने त्यांना ६ एप्रिल २०२२ पर्यंत ईडी कोठडी सुनावली आहे. महाराष्ट्र पोलिसांनी दाखल केलेल्या दोन तक्रारींच्या आधारे ईडीने मनी लाँड्रिंग प्रकरणाची नोंद केली होती.

सतीश उकेंवर जमीन व्यवहारांसंबंधी एका प्रकरणात ईडीने त्यांच्यावर आज छापेमारी केली होती. सतीश उके हे नाना पटोले यांचे वकील असून त्यांनी राज्याचे विरोधी पक्षनेते देवेंद्र फडणवीस यांच्याविरोधात न्यायालयात खटला दाखल केला आहे. तसेच केंद्रीय मंत्री नितीन गडकरींच्या विरोधातील केसमध्येही ते नाना पटोले यांचे वकील आहेत.

Edited By - Jagdish Patil