शरद पवारांच्या याचं आरोपानंतर आता विरोध पक्षांनी निवडणुक आयोगाविरोधात रान उठवलयं...160 जागांवर विजय मिळवून देणाऱ्या ऑफरचा गौप्यस्फोट शरद पवारानी केल्यानंतर आता ठाकरेसेनेचे खासदार संजय राऊत यांनीही आणखी एक मोठा गौप्यस्फोट केलाय. विधानसभेप्रमाणे लोकसभेतही निवडणुक जिंकून देऊ अशी ऑफर पवारांप्रमाणे उद्धव ठाकरेंना देण्यात आल्याचं राऊतांनी म्हटलयं..

राऊतांच्या दाव्याप्रमाणे उद्धव ठाकरेंना भेटायला आलेल्या दोघांनी त्यांना काय ऑफर दिली पाहूयात..

राऊतांचा दावा, ठाकरेंनाही ऑफर

लोकसभेनंतर विधानसभेत दोघांनी ठाकरेंची भेट घेतली

अडचणीच्या 60 ते 65 जागा जिंकून देण्याची ऑफर

EVM आणि मतदार याद्यांच्या माध्यमातून विजयी करण्याचा त्यांचा दावा

निवडणुक यंत्रणेवर विश्वास असल्यानं आम्ही त्यांना आवश्यकता नसल्याचं सांगितलं.

दुसरीकडे शरद पवार आणि संजय राऊतांच्या दाव्यावर मुख्यमंत्री फडणवीसांनी सवाल उपस्थित केलाय.

राहुल गांधींनी मतचोरीचा आरोप केल्यानंतर विरोधक निवडणुक आयोगाविरोधात आक्रमक भूमिका घेताना दिसत आहेत. अशातच शरद पवार आणि राऊतांच्या दाव्यानंतर इंडिया आघाडीनं 11 ऑगस्टला राज्यात लाँग मार्चचं आयोजन केलयं. आता या लाँग मार्चनंतर निवडणुक आयोग विरोधकांच्या आरोपांना उत्तर देणार का? विरोधकांना आयोगाकडून समाधानकारक उत्तर मिळणार का? याकडे अनेकाचं लक्ष लागलयं.