मुंबई : शिवसेना नेते आणि खासदार संजय राऊत यांनी महाराष्ट्रातील अधिवेशनावर आणि मुख्यमंत्र्यांच्या अनुपस्थीतीवर प्रतिक्रिया दिली आहे. आम्ही पण संसदेत प्रधान मंत्र्यांना शोधत होतो ते येतील परंतु ते सगळीकडे दिसत होते, पण मला ते संसदेत दिसले नाहीत, अशी खोचक टीका राऊतांनी (Sanjay Raut) मोदींवर केली आहे. संसदेची परंपरा आहे की पंतप्रधानांनी (Narendra Modi) अधिवेशन काळामध्ये दोन्ही अधिवेशनामध्ये हजर राहणे गरजेचे आहे आणि ते तंदुरुस्त आहेत. मुख्यमंत्र्यांची तब्येत मधल्या काळामध्ये थोडीशी बरी नव्हती त्यांच्यावर शस्त्रक्रिया झाली होती त्याचा इतका गाजावाजा करण्याची गरज विरोधी पक्षाला नाही असे राऊत म्हणाले.

थोडीशी माणूसकी दाखवायला पाहिजे अजून अधिवेशन तीन दिवस आहेत, त्यामुळे मुख्यमंत्री (Uddhav Thackeray) जिथे आहेत तिथुन अधिवेशनाचा कामकाज सुरळीत ठेवत आहेत. पुढल्या तीन-चार दिवसात मुख्यमंत्री सभागृहात विरोधी पक्षाला दिसतील अशी ग्वाही संजय राऊत यांनी दिली आहे. रामजन्मभुमी घोटाळा प्रसंगीही संजय राऊतांनी भाष्य केले. मुंबईतल लहानसहान गोष्टी, भूखंड, महाराष्ट्रातील साखर कारखाने त्यांचे व्यवहार हे सध्या राष्ट्रीय स्तरावर भारतीय जनता पक्षाने सुरू केलेला उपक्रम आहे.

काल जे अयोध्येतलं प्रकरण आलेलं आहे ज्या पद्धतीने भारतीय जनता पक्षाच्या परिवाराने जमिनी विकत घेतल्या आहेत. राम मंदिराच्या उभारणीसाठी लढले कोण? मेले कोण? आणि रामाच्या नावावर पैसे जमा करते कोण? हा प्रश्न या नकली हिंदुत्ववाद्यांना विचारणे गरजेचे आहे आणि आम्ही तो विचारला आहे. जे ED आणि मनी लॉंडरिंग चे स्पेशालिस्ट आहेत त्यांनी त्यांचे कार्यालय आयोध्या राम जन्मभूमी परिसरात थाटलं तर ते राष्ट्रावरती उपकार होतील.

Edited By: Pravin Dhamale