- सुशील थाेरात

Nagar Crime News : पाथर्डी देवांग कोष्टी समाजाचे उपाध्यक्ष संजय रामचंद्र गुरसाळी (sanjay gursali) यांची अज्ञात चोरट्यांकडून हत्या करण्यात आली आहे. ही संपूर्ण घटना आज (मंगळवार) पहाटेच्या सुमारास कुटुंबातील व्यक्तींच्या निदर्शनास आली. या घटनेचा तपास पाेलीस करीत आहेत. (Maharashtra News)

पाथर्डी (pathardi) शहरातील रंगार गल्ली येथे राहणाऱ्या गुरसाळी यांच्या घरात चोरट्यांनी प्रवेश करून त्यामध्ये सोन्याचे दागिने चोरून नेले आहे. तर या घटनेत संजय गुरसाळे यांच्या डोक्याला कशाचा तरी साह्याने गंभीर दुखापत करून चोरट्यांनी त्यांची हत्या केली आहे.

ही संपूर्ण घटना आज मंगळवारी पहाटे पावणे सहा वाजण्याच्या सुमारास कुटुंबातील व्यक्तीच्या निदर्शनास आली. घटनेची माहिती मिळताच घटनास्थळी पाथर्डी पोलीस स्टेशनचे पोलीस निरीक्षक संतोष मुटकुळे, सहाय्यक पोलीस निरीक्षक रामेश्वर कायंदे, कौशल्य राम निरंजन वाघ हे आपल्या पोलिस फौजफाट्यासह दाखल झाले होते. पाेलीस घटनेचा कसून तपास करीत आहेत.

Edited By : Siddharth Latkar