मुंबई : रेल्वे प्रवाशांसाठी महत्वाची बातमी समोर आली आहे. रेल्वे प्रवाशांच्या खिशाला कात्री बसणार आहे. कारण रेल्वे प्रशासनाने प्लॅटफॉर्म तिकीटाचा दर वाढवला आहे. तिकीटाचा दर 20 रूपयांवरून थेट 50 रुपये करण्यात आला आहे. (Railway platform ticket rates increases)

दिवाळी सणाच्या निमित्तानं रेल्वे स्थानकांवर (Railway Station) प्रवाशांची गर्दी वाढली आहे. त्यामुळे सीएसएमटी,दादर,ठाणे,कल्याण, एलटीटी आणि पनवेल स्थानकांवर प्रवाशांना प्लॅटफॉर्म तिकीटासाठी जादाचे पैसे मोजावे लागणार आहेत. हे नवे तिकीट दर उद्या शनिवारपासून लागू होणार आहेत. 31 ऑक्टोबरपर्यंत हे दर लागू असणार आहेत.