Vikram Kakade Pune MLC candidate announcement : पुणे विधान परिषदेच्या जागेसाठी महायुतीकडून अखेर उमेदवारावर शिक्कामोर्तब झालेय. विक्रम काकडे यांना महायुतीकडून उमेदवारी देण्यात आली आहे. आज दुपारी ते उमेदवारी अर्ज भरणार आहे. महायुतीत राष्ट्रवादी काँग्रेसच्या वाट्याला पुण्याची जागा आली आहे. सुनेत्रा पवार यांनी २ दिवसांपासून विधान परिषदेसाठी इच्छूक उमेदवारांवर चर्चा केली, त्यानंतर विक्रम काकडे यांच्या नावावर शिक्कामोर्तब केलं.

विक्रम काकडे दुपारी १२ वाजता विधान परिषदेच्या पुणे स्थानिक स्वराज्य संस्था मतदार संघातील उमेदवारी अर्ज भरणार आहेत. विक्रम काकडे यांच्या उमेदवारीवर आज शिक्कामोर्तब झालं. दुपारी १२ वाजता विक्रम काकडे उमेदवारी अर्ज भरणार असल्याची माहिती समोर आली आहे. पुण्यातील विधान भवनात उमेदवारी अर्ज दाखल करणार आहेत. यावेळी सुनेत्रा पवार सुद्धा उपस्थित राहण्याची शक्यता आहे.

महायुतीकडून पुण्याची जागा अजित पवार यांच्या राष्ट्रवादी काँग्रेसला देण्यात आली आहे. तर मविआकडून ही जागा शरद पवार यांच्या राष्ट्रवादी काँग्रेसला सोडण्यात आली आहे. त्यामुळे पुण्यात पुन्हा एकदा राष्ट्रवादी विरूद्ध राष्ट्रवादी अशीच लढत होणार आहे. सुनेत्रा पवार यांनी विक्रम काकडे यांना उमेदवारी दिली आहे. आता शरद पवार यांच्या राष्ट्रवादीकडून श्रीकांत पाटील यांनी उमेदवारी अर्ज दाखल केलाय.