पुणे शहरातील नागरी सुविधांसाठी लवकरच ६१ रस्त्यांवर खोदकाम होणार आहे. महापालिकेच्या मलनिःसरण विभाग, पाणी पुरवठा विभाग आणि पोलिसांच्या सीसीटीव्ही प्रकल्पासाठी हे खोदकामाचे काम केले जाणार आहे. यासाठी वाहतुक पोलिसांनी पुणे महापालिकेला परवानगी दिली आहे. मात्र ही परवानगी काही कठोर अटींसह असल्याची माहिती समोर आली आहे.

३१ मे अंतिम मुदत अन्यथा कारवाई

वाहतुक पोलिसांनी महापालिकेला तंबी दिली आहे. सर्व खोदकाम ३१ मे पूर्वी करावी लागतील. अन्यथा संबंधित ठेकेदारांवर कायदेशीर कारवाई केली जाईल, असा थेट इशारा वाहतुक पोलिसांनी दिला आहे. यासाठी सर्व कामांचे वेळापत्रक महापालिकेडून मागवण्यात आले आहे.

खोदकाम होणारे प्रमुख भाग

कोथरूड

वारजे

येरवडा

बाणेर

हडपसर

बालेवाडी

बी.टी कवडे रोड

कोंढवाट

बिबवेवाडी

धानोरी

शिवाजीनगर

सारसबाग

नागरिकांना काय लक्षात घ्यावं?

या खोदकामामुळे संबंधित परिसरांमध्ये वाहतूक कोंडी, पर्यायी मार्ग तसेच थोडीशी असुविधा निर्माण होण्याची शक्यता आहे. त्यामुळे नागरिकांनी प्रवास योजना आधीच आखावी, असं आवाहन करण्यात आले आहे.