सागर आव्हाड, साम टीव्ही, प्रतिनिधी

Pune News : पुण्यातील पौंड येथील ग्रामीण रुग्णालयात एका रुग्णाचा मृत्यू झाला. चुकीचे औषध दिल्याने रुग्णाची प्रकृती खालावली आणि त्याचा मृत्यू झाल्याचा आरोप रुग्णाच्या नातेवाईकांनी केला आहे. या प्रकरणी दोषी डॉक्टरांवर सदोष मनुष्यवधाचा गुन्हा दाखल करण्यात यावा अशी मागणी केली जात आहे.

मिळालेल्या माहितीनुसार, शंकर पेरणीकर या रुग्णाचा १९ मे रोजी ग्रामीण रुग्णालयात मृत्यू झाला होता. चुकीचे औषध दिल्याने रुग्णाची तब्येत खालावली. त्यानंतर रुग्णालय प्रशासनाने रुग्णाच्या नातेवाईकांना न सांगता रुग्णाला ससून रुग्णालयात दाखल करण्यात असा आरोप नातेवाईकांनी केला आहे. या प्रकरणी दोषींवर कारवाई व्हावी अशी मागणी होत आहे.

ज्या डॉक्टरांमुळे रुग्णाचा मृत्यू झाला, त्यांच्यावर सदोष मनुष्यवधाचा गुन्हा दाखल करण्यात यावा अशी मागणी रुग्णाच्या नातेवाईकांनी केला आहे. जो पर्यंत रुग्णाचा पोस्टमार्टम रिपोर्ट मिळत नाही, तोपर्यंत आम्ही तेराव्याचा विधी करणार नाही अशी नातेवाईकांची भूमिका आहे. या प्रकरणामुळे परिसरात खळबळ उडाली आहे.

पौंड येथील ग्रामीण रुग्णालयात शंकर पेरणीकर या रुग्णाचा १९ मे रोजी मृत्यू झाला. चुकीचे औषध दिल्याने रुग्णाची तब्येत बिघडली. आम्हाला न कळवता रुग्णाला ससून रुग्णालयात हलवण्यात आल्याचा आरोप रुग्णाच्या नातेवाईकांनी केला आहे. शवविच्छेदनाचा अहवाल येत नाही, तोपर्यंत आम्ही मरणोत्तर विधी करणार नाही असे रुग्णाच्या नातेवाईकांनी म्हटले आहे.