पुण्यातील औंधसारख्य़ा गजबजलेल्या परिसरात घडलेल्या अपघाताची ही थरारक दृश्य. 61 वर्षाचे ज्येष्ठ नागरिक गाडी चालवत असताना अचानक त्यांची खड्ड्यात पडली.त्यांचा तोल सुटून ते खाली पडले आणि मागून येणाऱ्या गाडीच्या खाली आले.

या अपघातानंतर संतप्त झालेल्या स्थानिक नागरिकांनी प्रशासनावर थेट सदोष मनुष्य वधाचा गुन्हा दाखल करण्याची मागणी केली. अशी मागणी आता स्थानिक नागरिकांनी केलीय.

एका महिन्यात खड्डयामुळे चार जणांना जीव गमवावा लागलाय..

पुण्यातील जीवघेणे खड्डे

10 जुलै 2025

पुण्यात शिक्षकाचा खड्ड्यात पडून मृत्यू

14 जुलै 2025

चाकण- तळेगाव रस्त्यावर खड्ड्यामुळे दुचाकी घसरुन तरुणाचा मृत्यू

30 जुलै 2025

शिवाजीनगरमध्ये खड्डा चुकवताना कंटेनरची दुचाकीस्वाराला धडक

30 जुलै 2025

औंधमध्ये पेविंग ब्लॉकच्या खड्ड्यामुळे 61 वर्षीय ज्येष्ठाचा मृत्यू

दरम्यान पुणे महापालिका दरवर्षी रस्त्यावरील खड्ड्यांसाठी किती रुपये खर्च करते पाहूयात..

खड्डेमुक्त रस्त्यांसाठी किती खर्च?

(पुणे महापालिकेच्या 2024च्या आकडेवारीनुसार)

रस्ते विभागाचं वार्षिक बजेट 1 हजार कोटी रूपये

खड्डे दुरुस्तीचे वार्षिक बजेट अंदाजे 20 कोटी रुपये

जून 2025 मध्ये पालिकेचा 1790 पेक्षा अधिक खड्डे बुजवल्याचा दावा

राज्यातील रस्ते खड्डेमुक्त करण्याचं आश्वासन अनेकदा स्थानिक नेत्यांकडून आणि महापालिका प्रशासनाकडून केलं जातं. मात्र तरीही राज्यात ठिकठिकाणी रस्त्यांवरील खड्ड्यांमुळे होणाऱ्या अपघाताचं प्रमाण दिवसेंदिवस वाढतयं...आणि काहीही अपराध नसताना अनेकांचा जीव जातोय...अनेक कुटुंब उद्ध्वस्त होत आहेत..याची जबाबदारी कोण घेणार..की केवळ कंत्राटदांरांना दंड आकारण्याच्या घोषणा करून नेते आणि प्रशासन आपले हात झटकणार...

आता तरी प्रशासनाला जाग येणार का? खड्डेमुक्त रस्त्यांच्या धोरणाची प्रभावी अंमलबजावणी कधी होणार? याकडे सर्वसामन्य नागरिकाचं लक्ष लागलयं.