अक्षय बडवे, प्रतिनिधी

Pune Accident News:

पुण्यात भरधाव गाडीने धडक दिल्याने श्वानाचा मृत्यू झाल्याची घटना समोर आली आहे. याबाबत शशी नारायण भूषण (वय 42) यांनी कोंढवा पोलीस स्टेशनमध्ये फिर्याद दिली आहे. फिर्यादीच्या तक्रारीनुसार कारचालकाविरोधात गुन्हा दाखल करण्यात आला आहे.

याबाबत अधिक माहिती अशी की, शहरातील साळुंखे विहार सोसायटी, कोंढवा या भागात असलेल्या एका शॉपिंग सेंटरचे विरुद्ध बाजूला सोसायटीमधील "पिंकी" नावाची श्वान झोपली होती. यावेळी काळया रंगाच्या महिन्द्रा थार (एम.एच.१२.यु.एन.७६११) वरील चालकाने गाडी अतिशय बेदरकारपणे चालवून, तिला जोरदार धडक दिली.

या अपघातात ते श्वान गंभीर जखमी झाले आणि काही वेळात तिचा मृत्यू झाला. 19 सप्टेंबर रोजी रात्री साडे आठ वाजण्याच्या हा संपूर्ण प्रकार घडला. या घटनेनंतर प्राणीप्रेमींनी पोलिसात धाव घेतली.

याबाबत शशी नारायण भूषण (वय 42) यांनी कोंढवा पोलीस स्टेशनमध्ये फिर्याद दिली आहे. तक्रारीवरून कार चालक विरोधात गुन्हा दाखल करण्यात आला आहे. पोलीस याबाबतचा अधिक तपास करत आहेत. (Latest Marathi News)