>> दिलीप कांबळे

पुणे : पवना धरणाच्या बॅक वॉटर परिसरात एक दुर्देवी घटना आज समोर आली आहे. दुधीवरे या बॅक वॉटर परिसरात बुडून एका 62 वर्षीय शिक्षक पर्यटकाचा मृत्यू झाल्याची घटना घडली. प्रेमप्रकाश रोशनलाल भाटिया असे पाण्यात बुडून मयत झालेल्या पर्यटकाचे नाव आहे.

दुधीवरे गावाच्या हद्दीतील एका बंगल्यावर भाटिया व इतर मित्रमंडळी राहण्यासाठी आले होते. आज सकाळी ११ वाजण्याच्या सुमारास ते पोहण्यासाठी पवना धरणाच्या पाण्यात गेले होते. तेथेथोड्या अंतरावर पाण्यात दमछाक झाल्याने ते पाण्यात बुडाले.

घटनेची माहिती मिळाल्यानंतर लोणावळा ग्रामीणचे पोलीस हवालदार विजय गाले यांनी शिवदुर्गच्या पथकाला पाचारण केले. शिवदुर्गच्या पथकाने भाटिया यांचा मृतदेह पाण्यातून बाहेर काढला.