नेहमीच वाहतूक कोंडी असणाऱ्या पुण्यातील नवले पुलावर भीषण अपघाताची घटना घडली असून 5 जणांचा मृत्यू झाला आहे. शहरातील नवले पुलावर हा अपघात झाला असून दोन ते तीन वाहनांनी पेट घेतल्याची थरारक घटना घडली आहे. या दुर्घटनेत 20 जण खमी झाल्याचे समजत आहे. या अपघाताची माहिती मिळताच पोलिसांनी धाव घेतली असून अग्निशमन दलाच्या गाड्याही नवले पुलावर पोहोचल्या आहेत. अपघातातील जखमींना जवळील रुग्णालयात दाखल करण्यात आले असून सध्या त्यांच्यावर उपचार सुरू आहे. दरम्यान मृतांचा आकडा वाढण्याची भीती आहे.