Pune municipal corporation election 2025 new ward structure details : पुणे महापालिका निवडणुकीसाठी प्रभागरचना जाहीर कऱण्यात आलीय. यामध्ये शहराच्या मध्यवर्ती भागातील प्रभागरचनेत मोठे बदल कऱण्यात आलेले नाहीत. उपनगरात मात्र फेरबदल करण्यात आलेत...या प्रभागरचनेचा भाजप आणि शिंदेसेनेला फायदा होणार आहे..दुसरीकडे राष्ट्रवादीच्या नेत्याचे वर्चस्व असलेल्या प्रभागात बदल केल्यामुळे चिंतेचं वातावरण आहे. करावा, पर्वती, कोथरूड, शिवाजीनगर या मध्यवतीं भागातील विधानसभा मतदारसंघांतील प्रभागांची संख्या कमी होणार नाही, याची काळजी घेण्यात आलीय...दुसरीकडे उपनगरांतील प्रभाग मोठे केल्यानं नगरसेवकांची संख्या वाढण्यावर मर्यादा आलीय. त्याचाच फटका अजितदादांच्या राष्ट्रवादीला बसणार आहे.

आगामी महापालिका निवडणुकीसाठी एकूण 41 प्रभाग असणार...यात ४० प्रभाग चार सदस्यीय तर एक प्रभाग पाच सदस्यीय आहे. एकूण ४१ प्रभागांपैकी प्रभाग क्र. ३८ हा ५ सदस्यीय असून उर्वरित ४० प्रभाग ४ सदस्यीय आहेत. पुणे महानगरपालिका क्षेत्राची एकूण लोकसंख्या २०११ च्या जनगणनेनुसार ३४,८१,३५९ इतकी असून अनुसूचित जातीची लोकसंख्या ४,६८,६३३ इतकी आहे, व अनु सूचित जमातीची लोकसंख्या ४०,६८७ इतकी आहे. तसेच निवडून द्यावयाच्या महानगरपालिका सदस्यांची संख्या १६५ आहे.

पुणे महानगरपालिकेने प्रभाग रचना नगर रचना विभागाला पाठवली होती. यामध्ये महानगरपालिकेने तीन प्रभाग तीन सदस्य प्रस्ताव पाठवला होता. प्रस्ताव नगर रचना विभागाला गेल्यानंतर तीन सदस्य प्रभाग न ठेवता पाच सदस्य एकच प्रभाग केला. एकनाथ शिंदे आणि देवेंद्र फडणवीस यांच्यामध्ये या प्रभाग रचनेवरून शीत युद्ध पेटणार हे मात्र निश्चित.