अक्षय बडवे, पुणे

पुणेकरांनो पाणी जपून वापरा! जलशुद्धीकरण केंद्रामध्ये विद्युत व स्थापत्यविषयक देखभाल दुरुस्तीची कामे हाती घेण्यात आली असून शहराच्या बहुतांश भागात उद्या पाणीपुरवठा बंद राहणार आहे. महापालिकेने नागरिकांना पाणी साठवण करून ठेवण्याचे आवाहन केले आहे. तसेच गैरसोयीबद्दल दिलगिरी व्यक्त केली आहे.

पुणे महापालिकेने उद्या म्हणजेच २९ जानेवारी रोजी पुण्यातील पाणी पुरवठा बंद राहणार असल्याचे जाहिर केले आहे. जलशुद्धीकरण केंद्रामध्ये विद्युत व स्थापत्यविषयक देखभाल दुरुस्तीच्या कामांसाठी हा निर्णय घेण्यात आला आहे. यासाठी शहरातील भामा आसखेड धरणातून पाणी पुरवठा होणारा भाग वगळून उर्वरित संपूर्ण शहरात पाणी पुरवठा ठप्प करण्यात येणार आहे. मात्र ३० जानेवारी म्हणजेच शुक्रवारी सकाळी उशीरा व कमी दाबाने पाणी पुरवठा होईल अशी माहिती पाणी पुरवठा विभागाने दिली आहे.

'या' भागात पाणीपुरवठा राहणार बंद

संपूर्ण पेठा, संपूर्ण कोथरूड, वारजे, बावधन, बाणेर, बालेवाडी, पाषाण, औंध, बोपोडी, शिवाजीनगर, डेक्कन जिमखाना, पुणे स्टेशन, मुंढवा, सहकारनगर, पद्मावती, बिबवेवाडी, मुकुंदनगर, इंदिरानगर, पर्वती गावठाण, मितानगर, कुमार पृथ्वी, कोंढवा खुर्द, कात्रज, दत्तवाडी, हिंगणे, आनंदनगर, धायरी, आंबेगाव पठार, धनकवडी, कात्रज, भारती विद्यापीठ परिसर, आंबेगाव खुर्द-बुद्रूक, येवलेवाडी, सहकारनगरचा काही भाग, टिळकनगर, दाते वसाहत आदी भाग प्रभावित होणार आहेत.

'या' भागांवरही होणार परिणाम

आंबेगाव बुद्रूक-खुर्द, सुखसागर नगर, राजस सोसायटी, कात्रज गावठाण, धनकवडी, खराडी गावठाण, आपले घर, तुळजाभवानी नगर, इऑन परिसर, चौधरी वस्ती, सातव वस्ती, धनेकर नगर, यशवंतनगर, चंदननगर, सुनीतानगर, धर्मनगर, धनलक्ष्मी सोसायटी, गणेशनगर, आनंदपार्क, राजश्री कॉलनी, महादेवनगर, माळवाडी, मनोहर सोसायटी, लष्कर जलकेंद्र, वारजे जलकेंद्र, गांधी भवन, जीएसआर टाकी, शिवणे इंडस्ट्रीज, एसएनडीटी, एएलआर, चतु:शृंगी टाकी, होळकर जलकेंद्र, खडकवासला जॅकवेल व खडकवासला-नांदेड बूस्टर पंपिंग अंतर्गत येणाऱ्या भागांवरही या बंदचा परिणाम होणार आहे