सागर आव्हाड, पुणे प्रतिनिधी

woman assaulted in moving car in Pune : पुण्यात धावत्या कारमध्ये महिलेवर बलात्कार झाल्याची संतापजनक घटना समोर आली आहे. पुण्यातील मुंढवा कोरेगाव पार्क रस्त्यावर एका महिलेवर धावत्या कारमध्ये बलात्कार करण्यात आल्याचे समोर आले आहे. या घटनेनंतर पुण्यात संतापाची लाट उसलळी आहे. महिलेच्या तक्रारीनंतर गुन्हा दाखल कऱण्यात आला असून परिसरात तपास सुरू केला आहे. मध्यरात्री दीड वाजताच्या आसपास ही घटना घडल्याची समोर आले आहे.

रात्री पार्टीत ओळख झालेल्या पुरुषाने घरी सोडतो म्हणून कारमध्ये लिफ्ट दिली. धावत्या कारमध्ये त्या व्यक्तीने महिलेवर बलात्कार केला. पुण्यातल्या कोरेगाव पार्क परिसरातील एका प्रसिद्ध हॉटेल मधून महिला आणि पुरुष बाहेर पडले होते. या महिलेची आणि पुरुषाची ओळख पार्टीमध्ये झाली होती, असे समोर आले आहे. पुरूषाने त्यानंतर घरी सोडण्याच्या बाहण्याने महिलेवर बलात्कार केल्याचे प्राथमिक तपासातून समोर आले आहे. या प्रकरणी कोरेगाव पारक पोलिसांत गुन्हा दाखल करण्यात आला आहे. पोलिसांकडून या प्रकरणाचा तपास केला जात आहे.

पुण्यासारख्या शहरात आणि त्यातही गजबजलेल्या कोरेगाव पार्क भागात चालत्या गाडीत असा थरार घडल्याने महिलांच्या सुरक्षेचा प्रश्न पुन्हा एकदा ऐरणीवर आला आहे. पोलिसांनी या घटनेची गंभीर दखल घेतली असून, परिसरातील सीसीटीव्ही (CCTV) फुटेज आणि तांत्रिक पुराव्यांच्या आधारे आरोपीचा शोध सुरू केला आहे. या घटनेमुळे संपूर्ण पुणे शहरात तीव्र संताप व्यक्त होत आहे.

पुण्यातील नसरापूरमध्ये चिमुकलीवर बलात्कार करून हत्या केल्याची घटना ताजी असतानाच कोरेगाव पार्कात घडलेल्या या घटनेमुळे पुणेकरांमध्ये संतापाची लाट आहे. पुण्यासारख्या शहरात गेल्या काही दिवसांपासून गुन्हेगाराच्या घटनेत वाढ झाली आहे. पुण्यातील सुरक्षा व्यवस्थेवर प्रश्नचिन्ह उपस्थित केले जात आहेत. गेल्या काही दिवसांपासून पुण्यात महिला अत्याचाराच्या घटना वाढल्या आहेत. पुणे पोलिसांकडून आरोपींचा शोध घेतला जात आहे.