सचिन जाधव

Pune Metro Timetable (Updated):

मेट्रोने प्रवास करणाऱ्या पुणेकरांसाठी एक खूशखबर आहे. नवीन वर्षाच्या निमित्ताने पुणे मेट्रोच्या प्रवासी सेवेचा विस्तार होणार आहे. पुणेकरांमधील पुणे मेट्रोचा प्रवासासाठी होणारा वाढता वापर आणि नवीन वर्षाच्या निमित्ताने पुणे मेट्रो आपल्या प्रवासी सेवेचा विस्तार करत आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पुणे मेट्रोची सेवा सकाळी ६ ते रात्री १० या वेळेत सुरु असते.आता १ जानेवारी २०२४ पासून मेट्रो दोन्ही मार्गिकांवर सकाळी ६ ते सकाळी ८ या वेळेत मेट्रो दर १० मिनिटांच्या वेळाने मार्गिका १ व मार्गिका २ वर १२ फेऱ्या, सकाळी ८ ते ११ दर ७.५ मिनिटांच्या वेळेने मार्गिका १ व मार्गिका २ वर २४ फेऱ्या, सकाळी ११ ते दुपारी ४ या वेळेत दर १० मिनिटांच्या वेळेने मार्गिका १ वर ३२ व मार्गिका २ वर ३० फेऱ्या असतील. (Pune Latest News)

दुपारी ४ ते रात्री ८ या वेळेत दर ७.५ मिनिटांच्या वेळेने मार्गिका १ व मार्गिका २ वर ३२ फेऱ्या आणि रात्री ८ ते रात्री १० या वेळेत दर १० मिनिटांच्या वेळेनेनी मार्गिका १ व मार्गिका २ वर १३ फेऱ्या प्रत्येक स्थानकावरून उपलब्ध होणार आहे. यामुळे प्रवाशांच्या प्रतीक्षेचा कालावधी कमी होऊन त्यांच्या वेळेची बचत होईल. त्याच बरोबर मेट्रोची दिवसांमधील वारंवारता वाढणार आहे.

या आधी दिवसभरात मार्गिका १ वर ८१ फेऱ्या होत होत्या, तर १ जानेवारी २०२४ पासून ११३ फेऱ्या होणार आहेत आणि मार्गिका २ वर ८० फेऱ्या होत होत्या, तर १ जानेवारी २०२४ पासून १११ फेऱ्या होणार आहेत.

गर्दीच्या वेळात मार्गिका १ व २ वर ६ मेट्रो ट्रेन धावत होत्या. तर १ जानेवारी २०२४ पासून मार्गिका १ व २ वर ८ मेट्रो ट्रेन धावणार आहेत. तसेच कमी गर्दीच्या वेळेत मार्गिका १ व २ वर ४ मेट्रो ट्रेन धावत होत्या. तर १ जानेवारी २०२४ पासून मार्गिका १ व २ वर ६ मेट्रो ट्रेन धावणार आहेत.