पुणे : पुणे : पुण्यातील जुन्नर जवळच्या १२०० फूट खोल दरीत दोन मृतदेह आढळल्यानंतर एकच खळबळ उडाली. दुर्गम आदिवासी भागात असलेल्या कोकणकडा परिसरात तरूणी आणि एका व्यक्तीचा मृतदेह आढळला असून, या घटनेची संपूर्ण चर्चा होतेय. प्राथमिक तपासात ही आत्महत्या असल्याचा संशय पोलिसांनी व्यक्त केला आहे. मृतांमध्ये एका सरकारी कर्मचाऱ्याचा आणि एका तरुणीचा समावेश आहे, ज्यामुळे या प्रकरणाला गंभीर स्वरूप प्राप्त झालं आहे. त्याचदरम्यान, पोलिसांच्या तपासात या प्रकरणामध्ये अनेक खुलासे होताना दिसत आहे. मयत तलाठी आणि महाविद्यालयीन तरुणी हे एकमेकांचे नातेवाईक असल्याची माहिती आता समोर आली आहे. असुन दोघांनी आरोप केले कुटुंबातील व्यक्ती नात्यातीलच असल्याने दोघांचे नक्की काय नातं होतं याबाबत वेगवेगळी चर्चा रंगलीय.

दोघांमध्ये काही दिवसांपासून अनैतिक संबंध असल्याचीही माहिती समोर आली आहे. त्यामुळे या प्रकरणाला वेगळं वळण लागण्याची शक्यता वर्तवली जात आहे. दुहेरी आत्महत्येनंतर पोलिसांना सुसाईड नोट सापडल्या होत्या. त्यात तलाठ्याने आपल्या पत्नीवर गंभीर आरोप केले होते. तर तरुणीनेही आपल्या कुटुंबीयांबाबत खळबळजनक दावे केले होते. रामचंद्र पारधींनी सुसाइड नोटमध्ये आई-वडील आणि भावाची माफी मागितली. तर पत्नी आणि तिच्या नातेवाईकांनी मानसिक त्रास दिल्याचा आरोप करत कायदेशीर कारवाई करण्याची मागणी केली आहे.

रामचंद्र पारधी यांची गाडी आणि त्यांच्या चपला कोकण कड्यावर आढळल्यानं ग्रामस्थांचा संशय बळावला. शिवजन्मभूमी रेस्क्यू टीमच्या १६ जणांनी खोल दरीतून मृतदेह बाहेर काढले. अहिल्यानगर जिल्ह्यातील श्रीगोंदा येथील तलाठी रामचंद्र साहेबराव पारधी आणि जुन्नरच्या आंबोली येथील तरुणी या दोघांचे मृतदेह सापडल्याने खळबळ उडाली होती. यापूर्वी १५ जून रोजी तरुणीच्या अपहरणाची तक्रार नातेवाइकांनी जुन्नर पोलीस स्टेशनमध्ये नोंदवली होती. प्रथमदर्शनी ही आत्महत्या असल्याचा अंदाज असला, तरी जुन्नर पोलिसांकडून सर्व बाजूने तपास सुरु आहे.