अक्षय बडवे, प्रतिनिधी
वैभवशाली इतिहास असलेल्या पुण्यातील विसर्जन मिरवणुक उद्या होणार आहे. मानाच्या पाच गणपतीची विसर्जन मिरवणूकीची तयारी पूर्ण झाली आहे. परंपरेनुसार नगारा वादन, ढोल ताशा पथक आणि फुलांचे रथ असे या विसर्जन मिरवणुकीचे प्रमुख आकर्षण असणार आहे. कशी असेल मानाच्या गणपतींची मिरवणुक, जाणून घेवूया सविस्तर....
मानाचा पहिला म्हणजेच कसबा गणपतीची (Kasba Ganpati) विसर्जन मिरवणूक सकाळी साडेदहा वाजता लोकमान्य टिळक पुतळ्यापासून सुरू होईल. रमणबाग रुद्र गर्जना आणि कलावंत असे तीन ढोल ताशा पथक हे यंदा कसबा गणपतीच्या विसर्जन मिरवणुकीत वादन करतील दुपारी साडेतीन वाजता टिळक चौकात ही विसर्जन मिरवणूक संपेल.
मानाचा दुसरा श्री तांबडी जोगेश्वरी सार्वजनिक गणेश मंडळाची विसर्जन मिरवणूक सकाळी साडेदहा वाजता सुरू होईल. यंदा गणरायाला निरोप देण्यासाठी शिवराज्याभिषेक सोहळ्याचा रथ तयार करण्यात आला असून मिरवणुकीत नगरावादन, बँड आणि ढोल ताशाचे पथक असेल.
रामराज्य फुलांच्या रथातून मानाचा तिसरा गणपती श्री गुरुजी तालीमची विसर्जन मिरवणूक सकाळी साडेदहा वाजता सुरू होईल. विसर्जन मिरवणुकीमध्ये नगारा वादन बँड दोन ढोल ताशा पथक तसेच सैनिकी शाळा कडून प्रात्यक्षिके आपली सेवा देतील.
मानाचा चौथा गणपती तुळशीबाग मंडळाने यंदा महाकाल रथ तयार केलेला असून भारत 28 फूट उंच तसेच बारा फूट उंचीची महाकालची पिंड या विसर्जन मिरवणुकीचे प्रमुख वैशिष्ट्य ठरणार. बाहुबली महादेव हे देखील विसर्जन मिरवणुकीचे आकर्षण ठरेल.
महात्मा फुले मंडईतील लोकमान्य टिळकांच्या पुतळ्याला पुष्पहार अर्पण करून मानाचा पाचवा केसरी गणेशोत्सवाच्या विसर्जन मिरवणुकीला सकाळी दहा वाजता सुरुवात होईल. विसर्जन मिरवणुकीला ढोल ताशा पथकांसोबत लोकमान्य टिळकांच्या जीवनातील घटनेवर जिवंत देखावा सादर करण्यात येणार आहे.
पुण्यातील श्रीमंत दगडूशेठ गणपती मंडळाने यंदा विसर्जन मिरवणुकीसाठी "गणाधीश रथ" तयार केला आहे. उद्या दुपारी ४ वाजता दगडूशेठ गणपतीच्या विसर्जन मिरवणुकीला सुरुवात होईल. दर वर्षी प्रमाणे दगडुशेठ गणपती मंडळाने यंदा देखील आकर्षक विद्युत रोषणाई ने साकारलेला रथ तयार केला आहे. यावर विविध प्रकारचे झुंबर लावण्यात आले असून रथावर असलेल्या खांबांवर सुद्धा बारीक नक्षीकाम करण्यात आले आहे. (Latest Marathi News)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.