अक्षय बडवे, साम टीव्ही

Pune Dam Water Level Today: गेल्या आठवडाभरापासून राज्यात पावसाचा जोर वाढला आहे. अनेक जिल्ह्यांमध्ये सध्या मुसळधार पाऊस कोसळत आहे. पावसामुळे अनेक ठिकाणी पूरस्थिती निर्माण झाली असून धरणांमधील पाणीसाठ्यात वाढ होत आहे. अशातच पुणेकरांची चिंता अद्यापही कायम आहे. कारण, पुणे जिल्ह्यात आतापर्यंत समाधानकारक पाऊस झाला नाही.

त्यामुळे शहराला पाणीपुरवठा करणाऱ्या धरणांमध्ये अद्यापही कमीच पाणीसाठी जमा झाला आहे. दरवर्षी जुलै महिन्यात धरणे पुणे शहराला पाणीपुरवठा करणारी धरणे ओव्हरफ्लो होत असतात. मात्र, यंदा तशी परिस्थिती अद्यापही दिसत नाही. पुणे जिल्ह्याला पाणीपुरवठा करणाऱ्या धरणांमध्ये एकूण ६० टक्के पाणीसाठा झाला आहे. त्यामुळे पुणेकरांना चांगल्या पावसाची प्रतीक्षा आहे.

खडकवासला धरण ७३ टक्के भरले असून मागील वर्षी आजच्या दिवशी ९५ टक्के इतका पाणीसाठा होता. याशिवाय पाशेत धरणात आतापर्यंत फक्त ६० टक्के पाणीसाठा जमा झालेला आहे. तर वरसगावात धरणात ५६.३३ टक्के पाणीसाठा जमा झालेला आहे.

दरम्यान, यंदा जून महिन्याच्या अखेरीस पिंपळगाव जोगे, मुळशी, टेमघर आणि नाझरे ही चार धरणे कोरडी पडली होती.शिवाय उजनीतील उपयुक्त पाणीसाठा शून्यावर आला होता. जिल्ह्यातील धरणांमध्ये उजनी, भामा आसखेड, माणिकडोह, चासकमान, पवना, मुळशी, टेमघर, वरसगाव, पानशेत, गुंजवणी, नीरा देवधर, भाटघर, वीर आदी प्रमुख धरणांचा समावेश आहे.

पुणे शहराला पाणी पुरवठा करणाऱ्या ४ प्रमुख धरणाची स्थिती

खडकवासला धरण: ७३ टक्के , १.४४ टीएमसी पाणीसाठा

पानशेत धरण: ६०.७४ टक्के, ६.४७ टीएमसी पाणीसाठी

वरसगाव धरण: ५६.३३ टक्के, ७.२२ टीएमसी पाणीसाठा

टेमघर धरण: ३९ टक्के, १.४४ टीएमसी पाणीसाठा

Edited by - Satish Daud