पुण्यातून एक भयंकर घटना उघडकीस आली आहे. पुण्यातील सिंहगड कॉलेज परिसरात एका तरूणाची हत्या करण्यात आली. कोयत्याने आणि कुंड्याने मारहाण करून तरूणाचा जीव घेतला आहे. मृत व्यक्तीचे वय २० ते २२ वर्ष असल्याची माहिती आहे. या प्रकरणी पोलीस घटनास्थळी दाखल झाले असून, पुढील तपास पोलिसांकडून सुरू आहे.

प्राथमिक माहितीनुसार, सय्यद असे मृत तरूणाचे नाव आहे. मृत तरूणाचे वय अंदाजे २० ते २२ असल्याची माहिती आहे. हा संपूर्ण प्रकार पुण्यातील सिंहगड कॉलेज परिसरातील इमारतीजवळ घडलेला आहे. आरोपीने कोयता आणि कुंड्याचा वापर करून तरूणाची निर्घृण हत्या केली आहे. तसेच तरूणाचा मृतदेह परिसरात टाकून पळ काढला आहे.

तरूणाचा मृतदेह पाहून परिसरातील नागरिकांना धक्का बसला. स्थानिकांनी तातडीने पोलिसांना याबाबत माहिती दिली. पोलिसांनी घटनास्थळी धाव घेत तपासाला सुरूवात केली. तसेच मृतदेह ताब्यात घेत शवविच्छेदनासाठी रूग्णालयात पाठवले. तरूणाची हत्या नेमकी कुणी केली? हत्या करण्यामागचं कारण काय? याचा तपास सध्या पोलिसांकडून सुरू आहे.