Pune Crime News

काही दिवसांपूर्वी पुण्यात कोट्यवधी रुपयांचं ड्रग्ज सापडलं होतं. संपूर्ण राज्याला हादरवून टाकणाऱ्या प्रकरणानंतर पुणे पोलिसांनी देशभरात छापे टाकले होते. या ड्रग्जचं तस्करीचं कनेक्शन आता कर्नाटकमध्ये पोहोचलं असून पुणे पोलिसांनी मोठी छापेमारी करून ड्रग्ज तस्कर पप्पू कुरेशीला अटक केली आहे. या प्रकरणातील मुख्य आरोपी संदीप धुनिया याचा पप्पू कुरेशी हा साथीदार आहे. त्याला १९ मार्चपर्यंत पोलीस कोठडी सुनावण्यात आली आहे.

कुरेशी आणि हैदर शेख हे दोघे मिळून पुण्यातील ड्रग्स बाहेर विक्री करत होते. पप्पू कुरेशी हा ड्रग्स प्रकरणातील मुख्य आरोपी संदीप धूने याच्या होता संपर्कात होता. पुण्यात काही ठिकाणी त्याने ड्रग्स आणि ड्रग्स बनवण्यात येणारी रसायने लपून ठेवल्याचा पोलिसांना संशय आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पुण्यातील विश्रांतवाडी परिसरात गुन्हे शाखेच्या पथकाने छापेमारी करून १०० कोटींपेक्षा अधिक अमली पदार्थ जप्त केले होते. ५२ किलो मेफेड्रॉनचा साठाही पोलिसांनी जप्त केला होता. याप्रकरणी पोलिसांनी तिघांना अटक केली आहे. दरम्यान पुण्यात जप्त केलेल्या अमली पदार्थ प्रकरणातील आरोपी हैदर शेख याला परदेशी नायजेरीयन नागरिकाने एमडी ड्रग्स दिले होते. त्याचा शोध घेण्यासाठी पुणे पोलिसांची पथकं रवाना झाली होती. त्यांनंतर पुणे पोलिसांची पथकं काही तासातच दिल्लीत पोहचली आणि ४०० किलो अमली पदार्थ जप्त केले होते. या प्रकरणात ४००० हजार कोटीचे अमली पदार्थ जप्त करण्यात आले होते.