कोथरूड परिसरात दसऱ्याच्या दिवशी मुलाकडून बापाचा खून.
टीव्ही बंद करण्यावरून वडील-मुलामध्ये वाद झाला.
सचिन तानाजी पायगुडे (३३) या मुलानं चाकूनं वडिलांचा खून केला.
सचिन जाधव, साम प्रतिनिधी
दसऱ्याच्या दिवशी कोथरूड परिसरात धक्कादायक घटना घडलीय. जय भवानीनगरमध्ये एका मुलाने चाकूने वार करत वडिलांचा खून केला. खून करण्याचं निमित्त ठरलं टीव्ही. वडिलांनी टीव्ही बंद करायला लावल्यानं मुलानं बापावर चाकूनं वार केला. सचिन तानाजी पायगुडे अस आरोपी मुलाचे नाव आहे.
आरोपी मुलगा सचिन तानाजी पायगुडे (वय ३३) याला कोथरूड पोलिसांनी ताब्यात घेतले आहे. या प्रकरणी तानाजी यांची पत्नी सुमन तानाजी पायगुडे यांनी कोथरूड पोलीस ठाण्यात फिर्याद दिली आहे. पायगुडे कुटुंब जय भवानीनगर येथील चाळ क्रमांक दोनमध्ये वास्तव्यास आहेत. दसऱ्याच्या दिवशी दुपारी साधारणपणे बारा वाजता सचिन हा माळ्यावर टीव्ही पाहत बसला होता.
त्यावेळी वडील तानाजी यांनी त्याला "टीव्ही बंद कर आणि माझ्या डोळ्यात ड्रॉप टाक" असे सांगितलं. यावरून दोघा बापलेकात वाद झाला. रागाच्या भरात सचिन याने वडिलांवर स्वयंपाकघरातील चाकूने हल्ला केला. त्याने तानाजी यांच्या तोंडावर आणि गळ्यावर वार केले. गंभीर जखमी झालेल्या तानाजी यांचा जागीच मृत्यू झाला.
घटनेची माहिती मिळताच कोथरूड पोलीस घटनास्थळी दाखल झाले आणि आरोपी मुलाला ताब्यात घेतले. त्याच्यावर खुनाचा गुन्हा दाखल करण्यात आला आहे.सणाच्या दिवशीच घराघरात आनंदाचे वातावरण असताना जय भवानी नगरमध्ये घडलेल्या या खुनाच्या घटनेने नागरिकांत मोठी खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.