पुण्यातील कोंढव्या परिसरात गणेश काळे नावाच्या एका रिक्षा चालकाची हत्या करण्यात आली. याप्रकरणातील चार आरोपींनी पोलिसांनी अवघ्या काही तासात अटक केली. आंदेकर-कोमकर गँगवॉरमधूनच गणेश काळेची हत्या झाल्याचं सांगितलं जात आहे. आता या हत्येप्रकणाच एक सीसीटीव्ही समोर आलाय.

गणेश काळे हा कोमकर गँगचा सदस्य असलेल्या समीर काळेचा भाऊ आहे. समीर काळे हा आयुष कोमकर हत्या प्रकरणी तुरुंगात आहे. त्यामुळेच गणेश काळेची हत्या करण्यात आली का याचा तपास आता पोलीस करत आहेत. दरम्यान गणेशची हत्या करणाऱ्या चार आरोपींना पोलिसांनी चार तासात अटक केली. या चार आरोपींपैकी एक आरोपी हा रील स्टार असल्याची माहिती आता समोर येतेय.

आरोपीना खेड शिवापूर परीसरात मधून कोंढवा डीबी पथकाने अटक केली. गुन्ह्यात वापरलेले दोन पिस्तूल आणि दोन हत्यारं जप्त करण्यात आली. अमन महेबुब शेख,(22 वर्ष), अरबाज अहमद पटेलसह दोन अल्पवयीन मारेकरी असून त्यांना अटक करण्यात आली आहे. चारही आरोपी हत्या केल्यानंतर एका गाडीवर बोपदेव घाट दिशेने गेले होते.

शनिवारी दुपारी ३ वाजेच्या दरम्यान कोंढव्यातील सासवड रोडवरील खडी मशीन चौकात रिक्षाने जाणाऱ्या गणेशला वाटेत गाठत या चौघांनी ठार मारलं. या हत्येचा सीसीटीव्ही समोर आलाय. एका पेट्रोल पंपावर असलेल्या सीसीटीव्हीत ही घटना कैद झालीय. या व्हिडिओमध्ये आरोपी गणेशवर हल्ला करून पळून जाताना दिसत आहेत.