>>सचिन जाधव, पुणे

Pune Crime News: गेल्या काही महिन्यांपासून पुणे शहरात सेक्सॉर्टशनच्या घटनांमध्ये वाढ होताना दिसत आहे. काही महिन्यांपुर्वी सेक्सॉर्टशनला बळी पडून २२ वर्षीय तरुणान आत्महत्या केल्याची घटना समोर आली होती. अशाच प्रकारची आणखी एक घटना समोर आली आहे. ज्यामध्ये ६४ वर्षीय वृद्धाची तब्बल ४ लाखांची फसवणूक झाली आहे.(Latest Marathi News Update)

याबाबत अधिक माहिती अशी की, पुण्यातील एका ६४ वर्षीय आजोबांना व्हिडिओ कॉल करुन न्यूड होण्यास भाग पाडले. त्यानंतर हा कॉल व्हायरल करण्याची धमकी देत लाखो रुपये उकळल्याचा प्रकार समोर आला आहे. २१ ते २५ मार्च दरम्यान ही घटना घडली आहे. याप्रकरणी मॉडेल कॉलनीतील गोखलेनगरमधील एका ६४ वर्षीय नागरिकाने फिर्याद दिली आहे.

पोलिसांनी दिलेल्या माहितीनुसार, फिर्यादी हे त्यांच्या घरी असताना एका तरुणीने त्यांना व्हॉटसअ‍ॅपवर व्हिडिओ कॉल केला. त्यांच्याशी चॅटिंग आणि व्हिडिओ कॉल केले. तसेच त्यांना अश्लिल व्हिडिओ दाखवत न्यूड होण्यास भाग पाडले. हा संपूर्ण कॉल सुरू असतानाच त्याचे स्क्रिन रेकॉर्डिंग करुन व्हायरल करण्याची धमकी देण्यात आली.

यावेळी आणखी एका आरोपीकडून पोलिस असल्याचे सांगत धमकावण्यात आले. तसेच हा व्हिडिओ डिलीट करण्यासाठी ४ लाख ६६ हजारांची रक्कम घेण्यात आली. आपली फसवणूक झाल्याचे लक्षात येताच संबंधित नागरिकाने पोलिसांत धाव घेतली. या प्रकरणी पुण्याच्या चतु:श्रृंगी पोलिस ठाण्यात अज्ञात व्यक्तींविरुद्ध गुन्हा दाखल केला आहे. पोलिस या प्रकरणाचा सखोल तपास करत आहेत.. (Pune Crime News)