सचिन जाधव, प्रतिनिधी...

Pune Wagholi Crime: पुणे शहरातून एक धक्कादायक बातमी समोर आली आहे. पैशाच्या वादातून मित्रानेच मित्राचा खून केल्याची घटना पुण्याच्या वाघोली परिसरत उघडकीस आली. या धक्कादायक घटनेने परिसरात एकच खळबळ उडाली आहे. (Crime News In Marathi)

याबाबत अधिक माहिती अशी की, चार दिवसाच्या कामाचे पैसे दिले नाही म्हणून मित्रानेच मित्राची हत्या केल्याची घटना उघडकीस आली आहे. वाघोली (Wagholi) केसनंद रोडवरील सिंट्रोस सोसायटी जवळील लेबर कॅम्पजवळ हा धक्कादायक प्रकार घडला. शैलेश रमेश मांडगीकर (वय वर्षे 25) असे हत्या झालेल्या मृत तरुणाचे नाव असून तो नांदेड (Nanded) जिल्ह्यातील देगलुर तालुक्याच्या मांडगी गावचा रहिवासी आहे.

तर श्रीराम गोपाळ कोटलापुरे असे हत्या करणाऱ्या आरोपीचे नाव असून तो सध्या फरार आहे. पैशावरुन दोघांमध्ये वाद झाल्यानंतर आरोपीने डोक्यात गॅस सिलेंडर मारुन शैलेश मांडगीकर याला जखमी केले. ज्यामध्ये त्याचा मृत्यू झाला. या घटनेने परिसरात एकच खळबळ उडाली असून पोलीस आरोपीचा शोध घेत आहे.

टोळक्याच्या त्रासाला कंटाळून संपवले आयुष्य...

नाशिक (Nashik) जिल्ह्यातील सिन्नर तालुक्यातून एक धक्कादायक घटना उघडकीस आली आहे. शहा गावात श्री भैरवनाथ हायस्कूलमध्ये दहावीच्या वर्गात शिकणाऱ्या १७ वर्षीय विद्यार्थीनीने स्वतःच्या घरात गळफास घेऊन आपली जीवनयात्रा संपवली आहे. वैष्णवी नवनाथ जाधव असे या मुलीचे नाव असून आत्महत्येपूर्वी लिहिलेल्या चिठ्ठीत गावातील तीन तरुणांकडून त्रास होत असल्याचे विद्यार्थीनीने नमूद केले होते. (Latest Marathi News)