अक्षय बडवे, प्रतिनिधी...
Pune Crime News: पुण्यातील (Pune Crime) गुन्हेगारी दिवसेंदिवस चिंतेचा विषय ठरताना दिसत आहे. काही दिवसांपूर्वीच पुण्यातील सदाशिव पेठेत एका तरुणीवर कोयत्याने प्राणघातक हल्ला केला. या घटनेत दोन तरुणांच्या धाडसामुळे मोठा अनर्थ टळला. ही धक्कादायक घटना ताजी असतानाच एका मुलाने थेट कॉलेजमध्ये कोयता काढल्याचे प्रकरण समोर आले आहे. ज्यामुळे एकच खळबळ उडाली आहे. (Crime News In Marathi)
काय आहे संपूर्ण प्रकरण?
याबाबत अधिक माहिती अशी की, पुण्यातील सदाशिव पेठेत (Sadashiv Peth) तरुणीवर झालेल्या हल्ल्याची घटना ताजी असतानाच आता एका तरुणाने थेट कॉलेजमध्येच कोयता काढल्याचे प्रकरण समोर आले आहे. या घटनेने परिसरात एकच खळबळ उडाली आहे.कुणाल कानगुडे (१९) असे या आरोपी तरुणाचे आहे.
काही दिवसांपूर्वी त्याचा पुण्यातील एका नामांकित महाविद्यालयात डॅनी या तरुणाशी काही वाद झाला होता. त्यानंतर कॉलेजमध्ये दहशत राहावी तसेच काही भांडणाच्या कारणामुळे त्याने थेट कॉलेजमध्ये कोयता काढून दहशत माजवली. (Pune Crime News)
याबाबतची माहिती मिळताच पोलिसांनी तात्काळ घटनेची गांभीर्याने दखल घेत तरुणाला अटक केली आहे. दरम्यान, या घटनेनंतर पोलिसांनी तरुणाला चांगलाच धडा शिकवला आहे. अशा घटनांना आळा बसण्यासाठी पोलिसांनी डेक्कन परिसरातून त्याची धिंड काढली. या घटनेची सध्या परिसरात चांगलीच चर्चा होत असून पोलिसांच्या धडक कारवाईचे कौतुक होत आहे. (Latest Marathi News)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.