पुणे महापालिकेच्या पार्श्वभूमीवर भाजपमध्ये इन्कामिंग सुरूच आहे. आता भाजपनं माजी पुण्याच्या माजी महापौरांना आपल्या गळला लावलाय. पुण्यात भाजपनं शरद पवार यांच्या गटाच्या आमदाराच्या घरात फूट पाडत मुलाला आपल्या गोटात खेचून आणलं. शरद पवार यांना धक्का दिल्यानंतर पुण्याचे माजी महापौरांनाही आपल्या गळाशी लावलाय. त्यामुळे पुण्यात भाजपची ताकद आणखी वाढलीय.

माजी महापौर यांचा २२ डिसेंबर रोजी मुंबईत पक्षप्रवेश होणार आहे. पुण्यातील एका राजकीय पक्षाचे शहराध्यक्ष सुद्धा भाजपच्या वाटेवर आहेत. इतकेच नाही तर पुणे शहरातील राष्ट्रवादी काँग्रेसचे सरचिटणीस भाजपमध्ये जाणार आहेत. ४ ते ५ माजी नगरसेवक देखील हाती कमळ घेणार आहेत.

शरद पवारांना पुण्यात मोठा धक्का

पुणे महानगरपालिकेच्या निवडणुकीपूर्वी शरद पवारांना जबर धक्का दिला. शरद पवार गटाचे आमदार बापूसाहेब पठारे यांचे सुपुत्र सुरेंद्र पठारे हे कमळ हाती घेणार आहेत. त्यामुळे पुण्यात भाजपची ताकद आणखी वाढलीय. सुरेंद्र पठारे यांच्यासह अनेक माजी नगरसेवकांनीही भाजपमध्ये प्रवेश केलाय.

शरद पवार गटाचे आमदार बापूसाहेब पठारे यांचे सुपुत्र सुरेंद्र पठारे यांच्यासह दिवंगत माजी आमदार रमेश वांजळे यांच्या कन्या सायलीताई वांजळे, माजी नगरसेवक सचिन दोडके, माजी नगरसेविका रोहिणीताई चिमटे, बाळासाहेब धनकवडे, विकास दांगट, नारायण गलांडे, प्रतिभाताई चोरगे, पायलताई तुपे, पदाधिकांऱ्यांनी भाजपचे प्रदेशाध्यक्ष रवींद्र चव्हाण यांच्या उपस्थितीत भाजपमध्ये प्रवेश केला.

पिंपरी चिंचवडमध्ये अजित पवारांना धक्का बसणार

भाजपचे आमदार महेश लांडगेंनी अजित पवार गटाच्याविरोधात चंग बांधला असून अजितदादांना आणखी एक धक्का देण्याची रणनीती आखलीय. आज अजित पवार गट आणि उद्धव ठाकरेंना धक्के देत २२ जणांनी भाजपमध्ये प्रवेश केला. यापुढंही धक्कातंत्र अवलंबले जाईल अशी माहिती आमदार महेश लांडगे यांनी दिली. यानंतर देखील महायुतीत गोडवा टिकून राहील असा दावा महेश लांडगे यांनी केलाय.