पुणेकरांनो सकाळी मॉर्निंग वॉक किंवा सायंकाळी शतपावली करताय? तर सावधान. कारण पुण्यात चोरट्यांचा सुळसुळाट पाहायला मिळत आहे. दुचाकीवरून येणारे चोरटे प्रामुख्यानं ज्येष्ठ महिलांना लक्ष करून त्यांच्या गळ्यातील सोन्याची साखळी चोरून पसार होत आहेत. घटनेची माहिती मिळाल्यानंतर पोलिसांनी ३ लाख १२ हजार ५०० रुपयांचा मुद्देमाल हस्तगत केला आहे.

पुण्यात सध्या चोरट्यांचा सुळसुळाट पाहायला मिळत आहे. दुचाकीवरून चोरटे येतात. नंतर प्रामुख्यानं ज्येष्ठ महिलांच्या गळ्यातील सोन्याची साखळी चोरतात. मॉर्निंग वॉक किंवा शतपावली करणाऱ्या लोकांनाच चोरटे टार्गेट करत आहेत. यामुळे पुणेकरांमध्ये दहशतीचे वातावरण निर्माण झालं आहे.

नव्या वर्षाच्या पहिल्या दीड महिन्यात शहरात जबरी चोरीच्या घटना घडल्या आहेत. आतापर्यंत २१ हून अधिक घटना घडल्या असून, दुचाकीस्वार चोरट्यांना रोखण्याच्या आव्हान पुणे पोलिसांसमोर उभे होते. २१ पैकी नऊ गुन्हे उघडकीस आले आहेत. तसेच इतर गुन्ह्यांचा तपास पोलीस करीत आहेत.

२१ चोरीच्या घटनांमध्ये २० लाख ६ हजार ५०० रक्कम चोरीला गेली आहे. यापैकी पोलिसांनी तीन लाख १२ हजार ५०० रुपयांचा मुद्देमाल हस्तगत केला आहे. त्यामुळे पुणेकरांमध्ये दहशतीचे वातावरण निर्माण झाले आहे. ९ गुन्हे उघडकीस आल्यानंतर आणखी १२ गुन्ह्यांचा तपास पोलीस करीत आहेत.