अक्षय बडवे, प्रतिनिधी

Pune Accident News:

पुण्यात मद्यधुंद अवस्थेत बेदरकारपणे गाडी चालवून अपघात झाल्याचे प्रकार वारंवार समोर येत आहेत. काही दिवसांपूर्वीच पीएमपीएमएल बस चालकाने दारुच्या नशेत १०- १२ गाड्यांना उडवल्याची घटना घडली होती. असाच आणखी एक प्रकार समोर आला असून दारुच्या नशेत तरुणांनी बेदरकारपणे गाडी पळवल्याची घटना घडली आहे. (Pune Latest News)

याबाबत सविस्तर माहिती अशी की, पुण्यातील (Pune) सिंहगड रोडवर मद्यधुंद तरुणांनी धिंगाणा घातल्याचे समोर आले आहे. तरुणांनी दारुच्या नशेत कार चालवत एका वाहनाला धडक दिली. वाहनाला धडक देऊन तरुणांनी गोऱ्हे बुद्रुक ते खडकवासला धरणाच्या मागच्या बाजूला असलेल्या पूलापर्यंत गाडीचा टायर फुटलेला असतानाही त्याच अवस्थेत भरधाव कार चालवून पळून जाण्याचा प्रयत्न केला.

हा संपूर्ण प्रकार पाहून हवेली पोलीस ठाण्याच्या वाहतूक पोलीस कर्मचाऱ्यांनी या कारचा पाठलाग केला. पोलीस पाठलाग करत असल्याचे लक्षात येताच चालकाने मद्यधुंद अवस्थेत असलेल्या एका तरुणाला कारमध्ये कोंडून पळून काढला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सुदैवाने या अपघातात कोणतीही जिवीतहानी झाली नाही. तसेच याबाबत अद्याप हवेली पोलीस ठाण्यात कोणताही गुन्हा दाखल करण्यात आलेला नाही. संबंधित कारचालक गाडी सोडून पळून गेला असून टायर फुटलेली ही गाडी सध्या पोलिसांच्या ताब्यात आहे. दरम्यान, पुणे शहरात वारंवार मद्यधुंद वाहनचालकांचा धिंगाण पाहायला मिळत असल्याने नागरिकांकडून संताप व्यक्त होत आहे. (Latest Marathi News)