आज महाराष्ट्रात घराघरात रक्षाबंधन सण साजरा केला जाणार आहे. बहीण आपल्या भावाला राखी बांधणार आहे. रक्षाबंधन हा दिवस बहीण भावांसाठी खूप स्पेशल असतो. भाऊ आपल्या बहीणीला गिफ्ट देतो. अशीच भेटवस्तू पुण्यातील रिक्षाचालक बहि‍णींना देणार आहे. रक्षाबंधनानिमित्त महिला प्रवाशांना पुण्यात १०० रुपयांपर्यंत मोफत रिक्षा प्रवास करता येणार आहे.

रक्षाबंधनानिमित्त अनेक महिला आपल्या कुटुंबियांना भेट देण्यासाठी पुण्याला येतात. त्यामुळेच या महिलांसाठी १०० रुपयापर्यंतचा प्रवास मोफत करता येणार आहे. यंदा रक्षाबंधनानिमित्त आज सकाळी ८ ते रात्री ८ वाजेपर्यंत महिलांना मोफत रिक्षा प्रवास करता येणार आहे.

पुणे स्टेशन येथील रिक्षा मित्र प्रीपेड बूथवरुन प्रवास करणाऱ्या महिला प्रवाशांना मोफत प्रवास करता येणार आहे. १०० रुपयापर्यंतचा प्रवास महिलांना मोफत करता येणार आहे. जर १०० रुपयांपेक्षा जास्त भाडे झाले तर त्या भाड्यातून १०० रुपयांची सूट देण्यात येणार आहे.

रिक्षाचालक बांधवातर्फे महिला प्रवाशांना ही रक्षाबंधनाची खास भेट आहे. महिला प्रवाशांना आज या मोफत रिक्षा प्रवास सेवेचा लाभ घ्यावी, असे आवाहन रिक्षा संघटनांनी केले आहे. त्यामुळे पुण्यात जाणाऱ्या बहि‍णींसाठी प्रवास खूपच सुखकर होणार आहे.