पुणे: गेल्या तीन वर्षापासुन महाराष्ट्राची लोककला असलेल्या तमाशाचा तमाशा होऊन बसल्याने फड मालकांसह कलावंतांवर उपासमारीची वेळ आली असताना यंदा उभारी घेण्याच्या तयारीत असताना पुन्हा एकदा तमाशाला ब्रेक लागला आहे, त्यामुळे तमाशा कलावंताच्या उभारीसाठी तमाशाला परवानगी आणि आर्थिक मदत द्या अन्यथा उपमुख्यमंत्री अजित पवारांच्या बंगल्यासमोरच आत्मदहन करण्याचा इशारा तमाशा परिषदेचे अध्यक्ष रघुवीर खेडकरांनी दिला आहे.

महाराष्ट्र लोककला असलेल्या तमाशा परवानगी मिळाली आणि फडमालकांनी कर्ज काढुन फड उभे केले आणि राज्यभरातुन कलावंत तमाशा फडात दाखल झाले अशातच कोरोनाच्या तिस-या लाटेच्या संभाव्य धोक्यामुळे गावजत्रा यात्रा उत्सवावर बंदी आली आणि तमाशाला पुन्हा ब्रेक लागला आता तमाशाच्या उभारनीसाठी लावलेला पैसा कसा भरुन काढणार, कलावंत पुन्हा बेरोजगार होणार असल्याने आज तमाशा पंढरी म्हणुन ओळख असलेल्या नारायणगावात अखिल भारतीय तमाशा परिषदेच्या वतीने पत्रकार परिषदेचे आयोजन केले होते.

तमाशा परिषदेचे अध्यक्ष रघुवीर खेडकरांनी राज्य सरकारकडे मदतीचा हात मागितला आहे. फड मालकांनी तमाशा उभारणीसाठी कर्जाने पैसा उभा केला आहे, त्यात नव्याने संकट उभं राहिलं आहे. त्यातच आता तमाशा कलावंत बेरोजगार होणार असल्याने राज्य सरकारने मदतीचा हात द्यावा अन्यथा आम्हाला आत्मदहनाशिवाय पर्याय नाही असा इशाराच राज्य सरकारला दिला आहे. यावेळी तमाशा परिषदेचे अध्यक्ष रघुवीर खेडकर, उपाध्यक्ष-आविष्कार मूळे, मोहित नारायणगावकर, मालती इनामदार, शिवकन्या बढे, मंगला बनसोडे, संजय महाडिक, कैलास तांबे उपस्थित होते.

Edited By: Pravin Dhamale