मुंबई : राज्यातील नगरपंचायतींचे निकाल जाहीर होताच भाजपनेते प्रवीण दरेकर यांनी पत्रकार परिषदेत घेतली यावेळी त्यांनी सेनेला सल्ला देत भाजपच नंबर एकचा पक्ष असल्याचे वक्तव्य केलं आहे. 'भाजप एक हाती निवडणूक लढवत असताना आणि, विरोधी पक्षात असताना देखील महाराष्ट्रतील जनतेने भाजपचे (BJP) सर्वात जास्त सदस्य निवडणून दिले आहेत. भाजपला एकहाती यश मिळत असताना अपवादात्मक जागा राखण्यात यश मिळाल असल्याचं दरेकर म्हणाले.

सिंधुदुर्गमध्ये राणेंनी गड राखला -

धनंजय मुंडे यांची देखील बीड मध्ये खूप पीछेहाट झाली आहे. सुरेश धस यांनी आष्टी पाटोदा ताब्यात ठेवलं आहे तर विश्वजित कदम (Viswajit Kadam) यांच्या ताब्यातील पंचायत देखील भाजपने ताब्यात घेतल्याचं प्रवीण दरेकरांनी (Pravin Darekar) सांगितलं. रजनी पाटील आणि काही ठिकाणी पराभवाला सामोरा जावं लागल असून राष्ट्रवादीच्या नेत्यांना काही ठिकाणी यश मिळवलंय, पण ते लोकांना खोटं सांगून यश मिळवलं असल्याची टीका त्यांनी राष्ट्रवादीवरती केली. तिकडे सिंधुदुर्गमध्ये राणेंनी गड राखला असून रायगडमध्ये देखील आपण चांगलं यश मिळवलं असल्याचं त्यांनी सांगितलं.

हे देखील पहा -

शिवसेनेची फरफट -

दरम्यान चारही पक्षात भाजप सगळ्यात मोठा पक्ष राहील्याचं या निकालावरुन दिसत असून, शिवसेनेने (Shivsena) काय करायचं हा त्यांचा विषय आहे. मात्र भाजपसोबत राहून सेनेची वाढ होत होती. पण दोन वर्षात सत्तेत असूनही जेवढ्या निवडणुका होतायत, तिथे सेना मागे फेकली जातेय, सेना मागे जातेय. राष्ट्रवादीची भरभराट होतेय, शिवसेनेची फरफट होतेय .

दोन वर्षात जनतेने विश्वास दाखवला म्हणत असतील, तर मग नेत्यांना पराभव का स्विकारावा लागतोय याचा त्यांनी विचार करावा असा सल्ला त्यांनी सेनेला दिला आहे. तसंच जनतेच्या भरवश्यावरती आम्ही निवडणुकीला सामोरे गेलो. आमच्याही प्रमुख नेत्यांच्या ठिकाणी पीछेहाट झाली, हे मान्य करतो असही ते यावेळी म्हणाले.

Edited By - Jagdish Patil