सुशांत सावंत -

मुंबई : नाना पटोले (Nana Patole) आणि त्यांच्या पक्षाची नौटंकी सुरू आहे. सत्तेमध्ये मांडीला मांडी लावून बसायचे आणि विचारधारेला विरोध केल्यानंतर मूग गिळून बसायचे अशा प्रकारची नौटंकी महाराष्ट्रातील जनता जाणते, अशी घणाघाती विधान परिषदेचे विरोधी पक्षनेते प्रवीण दरेकर ((Pravin Darekar) यांनी नाना पटोले यांच्यावर केला.

प्रवीण दरेकर प्रसारमाध्यमांशी बोलत होते. ते पुढे म्हणाले की, सत्तेत एकत्र राहायचे आणि आगामी महानगरपालिकेच्या निवडणुकांसंदर्भात आपापली मते स्पष्ट करण्यासाठी अशा प्रकारचा आविर्भाव आणायचं काम दोन्ही पक्षांकडून होत आहे. परंतु आपल्या देशासाठी ज्यांनी रक्त सांडले किंबहुना आपल्या समाजासाठी ज्यांचे देणे आहे त्यांचे पुतळे जर उभारायचे असतील तर राजकीय अभिनिवेशापलीकडे पाहिले पाहिजे.

राजकारणाला काळीमा फासणाऱ्या पद्धतीने नाना पटोले यांची वक्तव्ये येत आहेत. नाना पटोले हे राजकारणातले असंस्कृत असे नेतृत्व आहे. कधी काळी काँग्रेसची (Congress) वैभवशाली परंपरा होती, सुसंस्कृतपणा होता परंतु पटोले यांनी आपल्या कारकिर्दीमध्ये त्या पदाची गरिमा घालवली, असे दरेकर म्हणाले.

Edited By - Jagdish Patil