अक्षय बडवे

DRDO scientist honey trap case: डीआरडीओचे (DRDO) पुण्याचे संचालक आणि वरिष्ठ शास्त्रज्ञ डॉ. प्रदीप कुरुलकर प्रकरणाची मोठी अपडेट समोर आली आहे. प्रदीप कुरुलकर यांनी त्यांच्या मोबाईलमधून काही अॅप्स डिलीट केल्याची माहिती पुणे फॉरेन्सिक लॅबने कोर्टाला दिली आहे. तसेच कुरुलकर यांनी आणखी कोणती माहिती पाकिस्तानला दिली का, याचा तपास एटीएसने सुरू केल्याची माहिती मिळत आहे. (latest Marathi News)

मिळालेल्या माहितीनुसार, डीआरडीओचे माजी संचालक डॉ. प्रदीप कुरुलकर यांनी त्यांच्या मोबाईलमधून काही ॲप्स डिलीट केले आहेत, अशी माहिती पुणे (Pune) फॉरेन्सिक लॅबने कोर्टाला दिली आहे. तसेच अॅप्सच्या माध्यमातून कुरुलकर यांनी आणखी कोणती माहिती पाकिस्तानला दिलीय का, याचा तपास एटीएस करत असल्याची माहिती मिळत आहे.

'कुरुलकरांचा वन प्लस 6 T हा मोबाईल गुजरातमधील फॉरेन्सिक लॅबोरेटरीकडे पुढच्या तपासासाठी पाठवण्याची परवानी एटीएसने न्यायालयाकडे मागितली आहे. तसेच पाठवण्यात येणारा मोबाईल कुरुलकंरांचाच आहे का, हे आयएमइआय नंबर तपासून खात्री करून घेण्यात यावी, अशी मागणी कुरुलकर यांच्या वकिलांनी केली आहे, अशी माहिती हाती आली आहे.

'मोबाईल (Mobile) गुजरातमधील फॉरेन्सिक लॅबोरेटरीकडे पाठवण्याची एटीएसची मागणी आहे. तसेच कुरुलकंरांच्या जामीन अर्जावर म्हणणं मांडण्यास एटीएसने 18 ऑगस्टपर्यंत मुदत मागून घेतली आहे.

दरम्यान, एटीएसच्या तपासानंतर कुरुलकर यांनी देशाच्या सुरक्षेशी संबंधित कोणती गोपनीय माहिती सांगितली आहे? तसेच किती माहिती दिली आहे, अशा काही गोष्टी समोर येण्याची शक्यता आहे.