भिवंडी पश्चिमचे भाजप आमदार महेश चौघुले व कोणार्क आघाडीचे माजी महापौर विलास पाटील यांच्या समर्थकांमध्ये राडा झाला. समर्थकांनी माजी महापौर विलास पाटील यांच्या घरावर हल्ला केला. या हल्ल्यात दोन्ही पती पत्नी जखमी झाले आहेत. माजी महापौर आणि आमदाराचा मुलाने भिवंडी निजामपूर महानगरपालिकेची निवडणूक लढवली.

दोघेही एकमेकांचे प्रतिस्पर्धी होते. यात भाजप आमदाराचा मुलाचा पराभव झाला. कोणार्क आघाडीने काँग्रेस-राष्ट्रवादीला दिलेला पाठिंबा यावरून हा वाद उफाळला. यावेळी संतप्त जमावाने विलास पाटील यांच्या घरावर दगडफेक केली, ज्यामध्ये पाटील पती-पत्नी जखमी झाले असून परिसरात तणावाचं वातावरण आहे.

भिवंडी निजामपूर महानगरपालिकेच्या निवडणुकीत माजी महापौर विलास पाटील यांचा मुलगा मयूरेश विलास पाटीलचा विजय झाला. यात भिवंडी पश्चिमचे भाजप आमदार महेश चौघुले यांचा मुलगा मित चोघुळेचा पराभव झाला. यामुळे दोन्ही गटाकडील दोन्ही सर्मथकांमध्ये राडा झाला. यामध्ये अनेक जण जखमी झाले.

मतदानाच्या दिवसांपासून या दोन्ही गटात वारंवार तणाव आणि वादाचे वातावरण होते. आमदार महेश चौघुले यांच्या समर्थकांनी माजी महापौर विलास पाटील यांच्या कार्यकर्त्यांना मारहाण देखील केली होती. यानंतर महापालिकेच्या निवडणुकीत कोणार्क आघाडीचे चारही उमेदवार विजयी झाले. तर आमदारांचा मुलगा हा पराभूत झाला त्यामुळे तणाव पुन्हा नव्याने वाढला.