Badlapur News: बदलापुरात धक्कादायक घटना घडली आहे. बदलापुरातील एका क्लिनिकमध्ये डॉक्टरकडून २५ वर्षीय गतीमंद तरुणीवर अत्याचाराची घटना घडली आहे. या प्रकरणी पोलिसांनी डॉक्टरच्या मुसक्या आवळल्या आहे. (Latest Marathi News)

पोलिसांनी दिलेल्या माहितीनुसार, गतीमंद तरुणीच्या आईने तिला किराणा दुकानातून मसाले आणण्यासाठी पाठविले होते. या तरुणीला परिसराची योग्य अशी माहिती होती. त्यामुळे आईने तिला पाठवलं होतं. मसाला विक्रेता दुकानदार तरुणीला चांगल्याप्रकारे ओळखतो. यावेळी याच परिसरातील डॉक्टरने तिला एकटी पाहून क्लिनिकमध्ये बोलावलं. त्यानंतर डॉक्टरने तिच्यावर क्लिनिकमध्येच अत्याचार केला.

तरुणी पंधरा ते वीस मिनिटे झाले तरी घरी न आल्यामुळे घरच्यांची चिंता वाढली. तिची बहीण आणि आई तिला शोधण्यासाठी घराबाहेर पडले. त्यांनी दुकानदाराला विचारलं, त्याने ती दुकानातून कधीच गेली असल्याचं सांगितलं. त्यानंतर या दोघींना तिची चप्पल एका क्लिनिकच्या बाहेर दिसली. त्यानंतर दोघांनी क्लिनिकचा दरवाजा उघडला. त्या त्यावेळी गतीमंद तरुणी जोरजोरात रडू लागली. त्यानंतर तरुणीच्या संतापलेल्या कुटुंबाने बदलापूर पश्चिम येथील पोलीस स्टेशन गाठलं.

पोलिसांना घटनेची माहिती मिळताच घटनास्थळ गाठलं. त्यांनी डॉक्टरच्या विरोधात गुन्हा दाखल करत त्याच्या मुसक्या आवळल्याआहेत. पोलीस या प्रकरणी पुढील तपास करत आहे.

मुंबईत २० वर्षीय तरुणीवर अत्याचार

दरम्यान, मुंबईत रिक्षा चालकाने २० वर्षीय तरुणीवर आरे कॉलनीच्या जंगलात अत्याचार केल्याची घटना घडली होती. अत्याचार केल्यानंतर रिक्षा चालकाने तरुणीला जीवे मारण्याची धमकी दिली होती. ही घटना सोमवारी उघडकीस आली. या प्रकरणी पोलिसांनी रिक्षा चालकाच्या मुसक्या आवळल्या आहेत.

पोलिसांनी २४ वर्षीय रिक्षा चालकास अटक केली आहे. रिक्षा चालक हा मूळचा उत्तर प्रदेशचा आहे. रिक्षा चालकाने तरुणीला गोरेगावमधून बळजबरीने आरे येथील जंगलात घेऊन गेला. तिथे घेऊन गेल्यानंतर अत्याचार केल्यानंतर घटनास्थळावरून पळ काढला.