मावळ : पुणे महानगर नियोजन (PMRDA) समितीच्या सदस्य पदासाठी झालेल्या मतदानाचा निकाल जाहिर झाला. यामध्ये मावळ तालुक्यातील तीन सदस्यांपैकी राष्ट्रवादी काँग्रेसचे दोन तर भाजपाचा एक सदस्य विजयी झाला आहे.

हे देखील पहा :

पुणे महानगर नियोजन समितीसाठी लहान नागरी क्षेत्रासाठी झालेल्या निवडणुकीत राष्ट्रवादी काँग्रेसचे नगरसेवक संतोष भेगडे विजयी झाले. तर ग्रामीण मतदार संघातून राष्ट्रवादी काँग्रेसच्या दीपाली हुलावळे आणि भाजपाचे कुलदीप बोडके विजयी झाले.

दरम्यान, ग्रामीण भागातून निवडून आलेले गहूंजे गावचे कुलदीप बोडके यांची गावात विजयी मिरवणूकही काढली. ज्या शेतकऱ्यांच्या जमिनी चुकीच्या पद्धतीने पीएमारडीएने अधिग्रहण केल्यात त्याला विरोध करून मावळातील शेतकऱ्यांना न्याय देणार असल्याचं कुलदीप बोडके यांनी सांगितले.

Edited By : Krushnarav Sathe