आज संपुर्ण देश छत्रपती शिवाजी महाराजांची ३९२ वी जयंती साजरा करतोय. महाराष्ट्रात अनेक ठिकठिकाणी मोठ-मोठे उत्सव पाहायला मिळत आहेत. अनेक जण आपल्या कला गुण दाखवत आहेत. असाच एक पुण्यातील अवलिया कलाकाराने ३१७५ खिळ्यांच्या साहाय्याने छत्रपती शिवाजी महाराजांचे चित्र बनवले आहे.

या कलेला थ्रेड आर्ट म्हणून ओळखलं जाते. त्या संबंधीत तरुणाचं नाव आहे सुशिल देशमुख. सुशील हा मुळचा बुलडाणा येथील असून पुण्यात सध्या वास्तवास आहे. त्याला कलेची प्रचंड आवड असून त्याने छत्रपती शिवाजी महाराजांचे अनेक चित्र खिळ्यांच्या साह्याने बनवले आहेत.

कोथरुडचे आमदार चंद्रकांत पाटील यांच्याकडून या कलेचं कौतुक करण्यात आलं आहे.

आज शिवजयंतीचं निमीत्त साधत त्याने भव्य अशी तब्बल 3175 खिळे ठोकून पेंटींग तयार केली आहे. त्याची ही कला आज कोथरुड येथील शिवाजी पुतळ्याजवळ शिवजयंती निमीत्त प्रदर्शनास ठेवण्यात आली आहे.